Amerika izatangira gukingira Covid-19 kuri uyu wa Mbere

Yanditswe na Umwali Zhuri
Kuya 13 Ukuboza 2020 saa 09:45
Yasuwe :
0 0

Leta Zunze Ubumwe za Amerika kuri uyu wa Mbere iratangira gukingira abaturage bayo icyorezo cya Covid-19 nyuma yo kwemeza urukingo rwa Pfizer/BioNTech nk’uburyo bwihuse bw’ubutabazi mu guhangana n’iki cyorezo.

Inkingo miliyoni eshatu nizo ziza gukwirakwizwa muri leta zose z’iki gihugu cyibasiwe na Covid-19 kurusha ibindi byose ku Isi. Uru rukingo rwa Pfizer/BioNTech rwizewe ku kigero cya 95% nk’urushobora kuzamura ubwirinzi bw’umubiri w’uruhawe ku buryo atakwandura icyorezo Covid-19.

Rugiye gutangwa nyuma y’aho ku wa Gatandatu muri Amerika hari hapfuye abantu 3309 bazize iyi ndwara. Ni wo mubare munini w’impfu wabonetse mu bice byose by’Isi kuri uwo munsi.

Kuva mu Ugushyingo, umubare w’abantu bapfa bishwe na Covid-19 muri Amerika warazamutse ku kigero cyo hejuru.

Kwemeza ikoreshwa ry’urukingo rwa Pfizer/BioNTech nk’uburyo bw’ubutabazi bwihuse, byafashweho umwanzuro n’Ikigo gishinzwe Imiti n’Ibiribwa muri Amerika, FDA, ku wa Gatanu, nyuma y’igitutu gikomeye Trump yashyize kuri urwo rwego ashaka ko urukingo rwemezwa.

Uru rukingo hashize icyumweru rutangiye gutangwa mu Bwongereza, byitezwe ko no muri Amerika rushobora gufasha mu guhangana n’ubwandu bukomeje gufata indi ntera.

Amerika igiye gutangira gutanga urukindo rwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .