Amerika ikomeje kujya ahabi, nibura abantu 2500 bari guhitanwa na COVID-19 buri masaha 24

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Coronavirus - Imibare yatumbagiye! Batanu bishwe na Coronavirus, bwa mbere mu Rwanda handura benshi mu munsi umwe
Ubukungu - Kuva kuri 0.3% kugera kuri 54%: Urugendo rw’imyaka icyenda rwo kwimakaza kwishyurana mu ikoranabuhanga
U Rwanda - Intiti yakundaga Imana n’igihugu: Urwibutso ku bavandimwe n’ababanye na Dr Kigabo wishwe na COVID-19
U Rwanda - Dr Thomas Kigabo wari ushinzwe ubukungu muri BNR yitabye Imana
U Rwanda - U Rwanda rwaguze ibyuma bishobora kubika inkingo zose za Covid-19
U Rwanda - Ingabo zirimo iz’u Rwanda zishe abarwanyi 37 mu gitero cyaguyemo umusirikare umwe muri Centrafrique

Amerika ikomeje kujya ahabi, nibura abantu 2500 bari guhitanwa na COVID-19 buri masaha 24

Yanditswe na Theogene Uwiragiye

Kuya 17 Ukuboza 2020 saa 03:30

Yasuwe :

Yavuzweho:

0 0

Imibare itangwa n’inzego z’ubuzima muri Leta Zunze Ubumwe za Amerika igaragaza ko kuri uyu wa Gatatu abantu 3459 bahitanywe na Coronavirus, aho bibaye ku nshuro ya kane muri iki cyumweru haboneka impfu zirenga ibihumbi bitatu ku munsi.

Ikigereranyo cyakozwe na Reuters cyagaragaje ko nibura muri iki cyumweru abantu 2500 bahitanwa na COVID-19 buri masaha 24.

Kugeza ubu, iki gihugu nicyo gifite umubare munini w’abantu bamaze guhitanwa na COVID-19 ku Isi ndetse n’uwabamaze kwandura. Muri make, Amerika yari igihugu cy’igihangange ubu igeze aharindimuka, aho gusabirwa.

Abantu 304.000 mu gihugu bamaze gupfa mu gihe miliyoni 16,7 bo bamaze kwandura, umubare ungana na 5% by’abatuye igihugu bose.

Abarembye nabo umubare wabo ukomeje kuzamuka aho byonyine kuri uyu wa Gatatu abarwayi 113.000 bashyizwe mu bitaro. Ubu abari mu bitaro bose hamwe ni 627.674.

Umuntu wa mbere mu gihugu wanduye iki cyorezo yagaragaye tariki ya 20 Mutarama 2020. Kugera mu kwezi kwa Werurwe hagati, abarwayi 1000 nibura bari mu bitaro mu gihe byageze mu ntangiro za Mata uwo mubare wazamutse ugeze ku bihumbi 40.