Abantu miliyoni 50 ku Isi bamaze kwandura Coronavirus

Yanditswe na Umwali Zhuri
Kuya 9 Ugushyingo 2020 saa 08:40
Yasuwe :
0 0

Imibare y’Ishami ry’Umuryango w’Abibumbye ryita ku Buzima, OMS, igaragaza ko kugeza ubu abantu barenga miliyoni 50 bamaze kwandura icyorezo cya Coronavirus ndetse ko ibihugu by’i Burayi byongeye kwibasirwa nacyo ku buryo bimwe byasubijeho gahunda ya Guma mu Rugo.

Ku Isi hari abantu 50.740.558 bamaze kwandura Coronavirus, mu gihe abamaze gupfa bo ari 1.262.168. Yaba ku gipimo cy’ubwandu n’icy’impfu, Leta Zunze Ubumwe za Amerika nizo ziri hejuru mu mibare.

Iki gihugu giherutse kubona Perezida mushya, Joe Biden, watsinze Donald Trump, gifite abantu 10.288.480 banduye na 243.768 bamaze gupfa. Gikurikirwa n’u Buhinde bufite abantu 8.553.864 bamaze kwandura na 126.653 bapfuye mu gihe Brésil ifite ubwandu bw’abantu 5.664.115 n’impfu 162.397.

U Burayi bwongeye kwadukamo iki cyorezo bufite abantu miliyoni 12.5 banduye mu gihe 305.700 bo bapfuye.

Muri Afurika, abantu 1.893.619 nibo bamaze kwandura mu gihe 45.433 bo bamaze gupfa. Umubare munini w’ubwandu kuri uyu mugabane ugaragara muri Afurika y’Epfo aho abamaze kwandura ari 737.278 mu gihe abamaze gupfa ho ari 19.809.

Umubare w'abandura Coronavirus ku Isi ukomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .