00:00:00 IGIHE NETWORK KN KINYARWANDA EN ENGLISH FR FRANCAIS

Abantu icyenda bishwe na Coronavirus, abayanduye ni 883

Yanditswe na IGIHE
Kuya 15 Nyakanga 2021 saa 11:09
Yasuwe :
0 0

Abantu icyenda bahitanywe na Coronavirus mu Rwanda bituma umubare w’abamaze kwicwa n’iki cyorezo ugera kuri 616 mu gihe abanduye mu masaha 24 ari 883.

Minisiteri y’Ubuzima yatangaje ko abarwayi icyenda bishwe na Coronavirus kuri uyu wa Kane, tariki ya 15 Nyakanga 2021, ari “abagore batanu b’imyaka 84 (Muhanga), 73, 61,32 & 31 (Kigali) n’abagabo bane b’imyaka 70 (Rulindo), 64 (Kigali), 60 (Karongi) & 19 (Kirehe).’’

Abarwayi bashya 883 babonetse mu bipimo 10.449 byafashwe bituma umubare w’abamaze kwandura mu Rwanda uba 51.625 mu bipimo 1.754.647 bimaze gufatwa kuva muri Werurwe 2020.

Kuri uyu munsi ubwandu bwinshi bwagaragaye mu Mujyi wa Kigali ahasanzwe abarwayi 227, Kayonza [72], Musanze [68], Rwamagana [59], Kamonyi [56], Bugesera [42]. Uturere twa Gatsibo, Nyagatare na Rutsiro ni two tutabonetsemo umurwayi n’umwe.

Mu masaha 24 yashize, hakize abarwayi 896 byatumye umubare w’abamaze gusezererwa mu bitaro no gukirira mu ngo zabo ugera ku 36.478.

Kugeza uyu munsi, abarwayi 14.531 barimo 74 barembye ni bo bakiri kwitabwaho.

Kugeza ubu mu Rwanda hamaze gukingirwa abantu 403.365 kuva ibi bikorwa byatangira ku wa 5 Werurwe 2021.
Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza y’inzego z’ubuzima hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .