Abantu icyenda banduye Coronavirus mu Rwanda, barindwi barayikira

Yanditswe na Ishimwe Israel
Kuya 8 Ugushyingo 2020 saa 10:30
Yasuwe :
0 0

Minisiteri y’Ubuzima yatangaje ko abantu icyenda basanganywe Coronavirus mu bipimo 1741 by’uyu munsi mu gihe abasezerewe mu bitaro biyongereyeho barindwi bituma umubare w’abakize mu Rwanda uba 4960.

Itangazo rya Minisante ryo kuri iki Cyumweru rigaragaza ko abarwayi bashya bakuwe muri Kigali:1, Burera:1, Kirehe:1, Nyagatare:2, Musanze:1, Nyabihu:1, Rubavu:1 na Rusizi:1.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 5222 bayanduye mu bipimo 570 609 bimaze gufatwa. Muri bo 4960 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 227 bakirwaye mu gihe 36 bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .