Abantu batatu bahitanywe na Coronavirus mu Rwanda

Yanditswe na Mukahirwa Diane
Kuya 18 Mata 2021 saa 11:16
Yasuwe :
0 0

Minisiteri y’Ubuzima mu Rwanda yatangaje ko abantu batatu bahitanywe na Coronavirus kuri iki Cyumweru, mu gihe 22 bashya bayanduye.

Abapfuye ni umugore w’imyaka 61 wo mu Mujyi wa Kigali, abagabo babiri umwe w’imyaka 94 wo mu Karere ka Nyamasheke n’uwo mu Karere ka Huye w’imyaka 53.

Abarwayi bashya 22 babonetse biganjemo abo mu Mujyi wa Kigali ahakuwe batandatu mu gihe Gicumbi na Kayonza hasanzwe batatu. Nyamagabe, Nyaruguru na Ruhango hasanzwe babiri mu gihe mu Turere twa Ngororero, Karongi, Nyanza na Nyamasheke hagiye haboneka umwe.

Abarwayi bakiri kwitabwaho ni 1322, muri bo batandatu bararembye. Abakize uyu munsi ni 159 byatumye umubare w’abamaze gukira bose uba 22.241.

Kuva muri Werurwe 2020 ubwo umurwayi wa mbere wa Coronavirus abonetse mu Rwanda hamaze gufatwa ibipimo 1.256.919, basanzwemo abanduye 23.888.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .