00:00:00 IGIHE NETWORK KN KINYARWANDA EN ENGLISH FR FRANCAIS

Abantu batandatu bishwe na Covid-19 mu Rwanda, 143 barayandura

Yanditswe na IGIHE
Kuya 28 Nzeri 2021 saa 12:11
Yasuwe :
0 0

Minisiteri y’Ubuzima yatangaje ko ku wa 27 Nzeri, 3021, abantu batandatu ari bo bishwe n’icyorezo cya Covid-19 bituma umubare w’abamaze guhitanwa na cyo ugera ku 1258.

Itangazo rya Minisiteri y’Ubuzima rivuga ko abitabye Imana ari abagore batatu n’abagabo batatu bo mu turere twa Rulindo, Nyagatare, Gicumbi, Huye, Karongi n’Umujyi wa Kigali.

Mu bipimo byafashwe mu masaha 24 ashize byagaragaye ko abantu 143 bashya ari bo banduye hirya no hino mu gihugu.

Abantu batatu ni bo bashyizwe mu bitaro mu gihe abarembye bagera ku icyenda mu gihe umwe ari we wasezerewe.

Kuva ku wa 14 Werurwe 2020 ubwo umurwayi wa mbere wa COVID-19 yabonekaga mu Rwanda, hamaze gufatwa ibipimo 2.776.387.

Abaturarwanda 1.646.980 bamaze guhabwa doze zombi z’urukingo rwa Covid-19 barimo n’abayihawe kuri iyi tariki bangana na 6006 bahawe iya kabiri. Ni mu gihe abahawe iya mbere ari 5782 byatumye bagera kuri 2.105.087.

Uturere twa Ngororero, Karongi, Gicumbi, Nyaruguru na Nyagatare nitwo twabonetsemo abanduye benshi. Mu turere twa Nyamagabe, Nyanza, Ruhango, Bugesera, Kayonza na Kirehe nta bwandu bwahabonetse.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .