Abantu barindwi banduye Coronavirus mu Rwanda, umunani nibo bayikize

Yanditswe na Ishimwe Israel
Kuya 3 Ugushyingo 2020 saa 09:53
Yasuwe :
0 0

Minisiteri y’Ubuzima yatangaje ko abantu barindwi basanzwemo COVID-19 mu bipimo 1604 byafashwe bituma umubare w’abamaze kwandura uba 5162 mu gihe umunani ari bo bayikize.

Abarwayi bashya bagaragaye kuri uyu wa Kabiri barimo babiri bakuwe muri Kigali, bane bo mu Karere ka Nyagatare n’umwe wakuwe i Rusizi.

Kuva umurwayi wa mbere wa COVID-19 iterwa n’agakoko ka Coronavirus agaragaye mu Rwanda ku wa 14 Werurwe 2020, hamaze kuboneka 5162 banduye mu bipimo 561 891 bimaze gufatwa, 4930 barayikize, 197 baracyari kwitabwaho mu gihe 35 bitabye Imana.

Nubwo serivisi nyinshi zikomeje gufungurwa, Abanyarwanda basabwa kutirara ngo bumve ko icyorezo cyarangiye. Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi no kwirinda amakoraniro n’ibindi bintu byose bishobora guhuriza hamwe abantu benshi.

Umuntu ugaragaza ibimenyetso bya Coronavirus birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .