Abantu 83 biganjemo abo mu Ntara y’Amajyepfo banduye Covid-19

Yanditswe na IGIHE
Kuya 10 Mata 2021 saa 11:16
Yasuwe :
0 0

Abantu 83 biganjemo abo mu Ntara y’Amajyepfo, banduye Coronavirus kuri uyu wa 10 Mata mu bipimo 6.928 byafashwe, bituma umubare w’abamaze kwandura mu gihugu hose ugera ku 23.343.

Mu bantu banduye, umubare munini ni abo mu Ntara y’Amajyepfo cyane mu turere n’ubundi dufite ubwiganze bwinshi bw’icyorezo dore ko tumwe ibice byatwo byashyizwe muri gahunda ya Guma mu Rugo.

Nko mu Karere ka Huye handuye abantu 13, i Nyamagabe baba 12, Nyaruguru ho haboneka ubwandu 11 mu gihe i Nyanza habonetse ubwandu ku bantu 10. Mu Mujyi wa Kigali ho habonetse abantu umunani banduye iki cyorezo.

Usibye ubwandu, nta muntu wigeze uhitanwa n’iki cyorezo nubwo hari batandatu barembye mu gihe abakize bo biyongereyeho 81 bituma umubare w’abamaze gukira bose mu gihugu ugera ku 21.072.

Mu Rwanda abantu bakirwaye iki cyorezo ni 1.957 mu gihe abamaze gupfa ari 314.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .