Abantu 55 bakize Coronavirus, 10 nibo banduye Coronavirus mu Rwanda

Yanditswe na IGIHE
Kuya 24 Nzeri 2020 saa 10:20
Yasuwe :
0 0

Minisiteri y’Ubuzima yatangaje ko abantu 55 bakize Coronavirus mu Rwanda kuri uwa 24 Nzeri mu gihe abanduye bo ari 10.

Ubu mu Rwanda harabarirwa abantu 4789 banduye iki cyorezo mu gihe abamaze gukira bo ari 3050 naho abakirwaye ari 1712, abapfuye ni 27.

Abarwayi 10 bagaragaye kuri uyu wa Kane barimo batandatu b’i Kigali, Nyamagabe batatu mu gihe Nyagatare ari umwe.

Nubwo serivisi nyinshi zikomeje gufungurwa, abanyarwanda barasabwa kutirara ngo bumve ko icyorezo cyarangiye. Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi, ndetse by’umwihariko uwiyumvamo ibimenyetso by’iki cyorezo birimo inkorora, guhumeka nabi, gucika intege n’ibindi, agahamagara umurongo utishyurwa wa 114 kugira ngo ahabwe ubufasha n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .