Abantu 42 bakize Coronavirus, icyenda ni bo banduye mu Rwanda

Yanditswe na Ishimwe Israel
Kuya 1 Ugushyingo 2020 saa 08:56
Yasuwe :
0 0

Minisiteri y’Ubuzima yatangaje ko abarwayi 42 bakize COVID-19 mu Rwanda mu gihe mu bipimo 1443 byafashwe, abantu icyenda aribo basanganywe iki cyorezo giterwa n’agakoko ka Coronavirus.

Itangazo rya Minisante ryo kuri iki Cyumweru, tariki ya 1 Ugushyingo 2020, rigaragaza ko abarwayi bashya barimo abakuwe muri Kigali:3, Nyagatare:5 na Rubavu:1.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe Coronavirus.

Kuva COVID-19 igaragaye mu Rwanda, hamaze kuboneka abantu 5146 bayanduye mu bipimo 558 977 bimaze gufatwa. Muri bo 4921 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 190 bakirwaye mu gihe 35 bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .