Abantu 35 banduye COVID-19 mu Rwanda

Yanditswe na Ishimwe Israel
Kuya 23 Ukwakira 2020 saa 09:27
Yasuwe :
0 0

Minisiteri y’Ubuzima yatangaje ko abantu 35 banduye COVID-19 mu Rwanda mu gihe kuri uyu wa Gatanu umubare w’abakize iki cyorezo wiyongereyeho batatu.

Itangazo rya Minisante rigaragaza ko abarwayi bashya bakuwe mu bipimo 2086 byafatiwe ahantu hatandukanye mu gihugu.

Rikomeza riti “Kigali:4, Kirehe:27 (abapimwe mu nkambi y’impunzi), Nyagatare:3, Burera:1.’’

Imibare y’abandura yongeye kuboneka ari myinshi kuko muri iyi minsi ubwandu bushya bwari buke cyane mu gihe umubare w’abasezererwa bamaze gukira wiyongera.

Minisiteri y’Ubuzima yerekana ko kuva umurwayi wa mbere wa COVID-19 agaragaye mu Rwanda ku wa 14 Werurwe 2020, abantu 5062 bamaze kwandura mu bipimo 542 222, abagera kuri 4806 barakize. Kuri ubu abakirwaye ni 212 mu gihe abitabye Imana ari 34.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .