Abantu 27 bakize Coronavirus mu Rwanda, abayanduye ni batatu

Yanditswe na Ishimwe Israel
Kuya 30 Ukwakira 2020 saa 09:52
Yasuwe :
0 0

Minisiteri y’Ubuzima yatangaje ko abantu 27 bakize Coronavirus kuri uyu wa Gatanu mu gihe mu bipimo 1810 byafashwe byagaragayemo abarwayi bashya batatu.

Itangazo rya Minisante rigaragaza ko abo barwayi barimo umwe wakuwe mu Mujyi wa Kigali na babiri bavanywe i Rubavu.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 5134 bayanduye mu bipimo 555 686 bimaze gufatwa. Muri bo 4878 barasezerewe nyuma yo gupimwa bagasangwa nta bwandu bwayo bukiri mu maraso yabo, 221 bakirwaye mu gihe 35 bitabye Imana.

Kuri ubu 45 788 073 bamaze kwandura Coronavirus ku Isi yose, 1 191 291 yarabahitanye mu gihe 33 170 255 bamaze kuyikira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .