Abantu 12 basanganywe Coronavirus mu Rwanda

Yanditswe na Ishimwe Israel
Kuya 4 Ugushyingo 2020 saa 09:31
Yasuwe :
0 0

Minisiteri y’Ubuzima yemeje ko abantu 12 basanganywe Coronavirus mu bipimo 980 byafashwe kuri uyu wa Gatatu, mu gihe nta murwayi wayikize mu Rwanda.

Kuva umurwayi wa mbere agaragayeho Coronavirus mu Rwanda ku wa 14 Werurwe 2020, abantu 5174 bamaze kuyisanganwa, muri bo abagera kuri 4930 barasezerewe nyuma yo gupimwa, ibizamini bikerekana ko nta bwandu bagifite mu mibiri yabo.

  • Abanduye ni 5174 (12 bashya)
  • Abakize ni 4930 (Nta mushya wakize)
  • Abakirwaye ni 209
  • Abitabye Imana ni 35
  • Ibipimo bimaze gufatwa ni 562 871 (ibipimo bishya 980)

Abarwayi bashya bagaragaye kuri uyu wa 4 Ugushyingo 2020 barimo batanu bo mu Mujyi wa Kigali n’abandi barindwi bakuwe mu bapimwe mu nkambi y’impunzi iri i Kirehe.

Kuri ubu mu bitaro byita ku banduye Coronavirus wongeyeho abavurirwa mu ngo zabo hari abarwayi 209 barwaye.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune cyangwa gukoresha alukoro yabugenewe, kwambara udupfukamunwa n’amazuru ahantu hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .