00:00:00 IGIHE NETWORK KN KINYARWANDA EN ENGLISH FR FRANCAIS

Abantu 11 bishwe na Covid-19, abanduye biyongeraho 971

Yanditswe na Akayezu Jean de Dieu
Kuya 30 Nyakanga 2021 saa 11:27
Yasuwe :
0 0

Minisiteri y’Ubuzima mu Rwanda yatangaje kuri uyu wa 30 Nyakanga 2021, abantu bashya 971 banduye Coronavirus mu gihe abo yahitanye biyongereyeho 11, bituma umubare w’abamaze kwicwa n’iki cyorezo ugera ku 798.

Mu itangazo yanyujije ku mbuga nkoranyambaga, Minisiteri y’Ubuzima yagize iti “Twihanganishije imiryango y’abagore batandatu n’abagabo batanu bitabye Imana.”

Imibare yo mu masaha 24 igaragaza ko mu gihugu hose hafashwe ibipimo 9.677. Ni mu gihe kandi abantu 4.240 bahawe dose ya mbere y’urukingo rwa Covid-19.

Uyu munsi kandi abantu 34 bari barwaye Covid-19 barembye bajyanwa mu bitaro mu gihe abandi icyenda bari barwariye mu bitaro basezerewe.

Muri rusange kuva icyorezo cya Covid-19 cyagera mu Rwanda hamaze gufatwa ibipimo 2.066.306. Ni mu gihe abamaze guhabwa urukingo bose hamwe ari 452.435.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera,gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze.

Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose, ndetse bakibuka kujya bafungura amadirishya igihe bari mu nzu cyangwa aho bakorera.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .