Abantu 109 mu Rwanda banduye Coronavirus mu munsi umwe

Yanditswe na Ferdinand Maniraguha
Kuya 22 Kanama 2020 saa 10:25
Yasuwe :
0 0

Minisiteri y’Ubuzima yatangaje ko mu masaha 24 ashize kugeza kuri uyu wa Gatandatu, abantu 109 bashya banduye coronavirus, bituma umubare w’abamaze kwandura ugera ku 2889.

Mu barwayi bashya babonetse 81 babonetse muri Kigali (bapimwe mu masoko ya Kigali), i Rusizi habonetse 24 (bapimwe mu bibasiwe kurusha abandi), i Huye habonetse 3 naho Nyamasheke haboneka umwe.

Hamaze gufatwa ibipimo 361, 842 birimo 4759 byafashwe mu masaha 24 ashize.

Abamaze gukira ni 1754 barimo 42 bakize mu masaha 24 ashize, abapfuye ni 11 mu gihe abakirwaye ari 1124.

U Rwanda rukomeje gufata ingamba zitandukanye zigamije guhashya coronavirus. Kuri uyu wa Gatandatu Inzego z’ubuzima zatangaje ko hatangijwe uburyo bwo gupima coronavirus buzwi nka ‘Antigen Rapid tests” butanga ibisubizo mu gihe cy’iminota itarenze 30. Ubu buryo bwitezweho kongera umubare w’abantu bapimwa coronavirus ku munsi ku buryo bizoroha kumenya byihuse abanduye.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .