Abantu 107 banduye Coronavirus mu Rwanda

Yanditswe na Dufitumukiza Salathiel
Kuya 21 Mata 2021 saa 10:35
Yasuwe :
0 0

Minisiteri y’Ubuzima yatangaje ko mu masaha 24 ashize mu Rwanda habonetse abarwayi bashya 107 ba COVID-19, bituma umubare w’abamaze kwandura icyo cyorezo ugera ku 24.112. Ni mu gihe abakize biyongereyeho 19 , bituma abamaze gukira bose baba 22.579.

Mu itangazo iyo minisiteri yatanze yerekanye ku kuri uyu wa 21 Mata 2021 nta muntu wahitanywe na Coronavirus mu Rwanda, bivuze ko abamaze kwicwa n’icyorezo bakiri 327. Abakirwaye bo ni 1.206 barimo batandatu barembye.

Abarwayi bashya babonetse mu turere twa Nyamagabe 24,Kamonyi 20,Huye 18,Ruhango 9, Nyanza 8,Nyaruguru 7,i Kigali 5,Rusizi 4,Muhanga 4,Rutsiro 3,Karongi 1,Gicumbi 1,Gisagara 1, na Nyamasheke 1.

Muri rusange ubwandu bwa COVID-19 burakiganje mu Ntara y’Amajyepfo, kuko mu 107 babonetse, 15 gusa nibo bagaragaye mu tundi duce.

Intara y’Uburasirazuba nta murwayi wa Coronavirus n’umwe wayibonetsemo.

Kuva umurwayi wa mbere wa Coronavirus yagaragara mu Rwanda muri Werurwe 2020, hamaze gufatwa ibipimo 1.269.302 ubariyemo na 4.686 byafashwe none. Abamaze gukingirwa icyorezo ni 349.702.

Minisiteri y’Ubuzima iributsa Abaturarwanda gukomeza kubahiriza amabwiriza yo kwirinda icyorezo, bakaraba intoki n’amazi meza n’isabuni, bamnara agapfukamunwa neza igihe cyose bagiye ahahurira abantu benshi, ndetse bagahana intera ya metero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .