Abanduye Coronavirus mu Rwanda biyongereyeho batandatu, 24 barayikira

Yanditswe na Ishimwe Israel
Kuya 25 Ukwakira 2020 saa 08:20
Yasuwe :
0 0

Minisiteri y’Ubuzima yatangaje ko abantu batandatu basanzwemo COVID-19 mu bipimo 1282 byafashwe uyu munsi mu gihe abantu 24 aribo bayikize.

Abarwayi bashya batangajwe kuri iki Cyumweru barimo batanu basanzwe mu Mujyi wa Kigali mu gihe undi umwe yakuwe mu Karere ka Nyagatare.

Kuva umurwayi wa mbere wa COVID-19 iterwa n’agakoko ka Coronavirus agaragaye ku butaka bw’u Rwanda ku wa 14 Werurwe 2020, hamaze kuboneka abantu 5066 bayanduye mu bipimo 547 202.

Mu basanganywe Coronavirus uko ari 5066, muri bo 4830 barasezerewe nyuma yo gusuzumwa bagasangwa nta bwandu bagifite. Abarwayi 202 nibo bakiri kwitabwaho kwa muganga no mu ngo zabo mu gihe 34 bitabye Imana.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza y’inzego z’ubuzima bita cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .