00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza bwemeje urukingo rushya rushobora guhangana na Omicron

Yanditswe na IGIHE
Kuya 16 August 2022 saa 02:19
Yasuwe :

U Bwongereza bwabaye igihugu cya mbere cyemeje urukingo rwa Covid-19, rushobora gutanga ubwirinzi ku bwoko bushya bwa Omicron ndetse n’igihe bwaba bwihinduranyije.

Uru rukingo rwa Moderna rwahawe uburenganzira n’ikigo cy’Abongereza gishinzwe imiti (MHRA), nyuma yo gusanga rwujuje ibisabwa byose mu gutanga ubwirinzi.

Uru rukingo rushimangira runazwi nka ‘Spikevax bivalent Original/Omicron’, rufite microgramme 25 z’urukingo rwa Omicron n’izindi microgramme 25 z’urukingo rw’umwimerere rwa Coronavirus.

Ruzahabwa abafite imyaka 18 kuzamura muri gahunda yo kwirinda ko mu gihe cy’umuhindo ubwandu bushya bwa Covid-19 bwakwiyongera. Bivuze ko abifuza kwiteza uru rukingo bazatangira kuruhabwa mu ntangiriro za Nzeri.

Minisitiri w’ubuzima, Steve Barclay, yavuze ko inkingo zikomeje kuza ku isonga mu kwirinda Covid-19, kandi uru rukingo rushya ruzatanga ubwirinzi ku moko mashya ya virusi.

Uru rukingo kandi rutegereje kwemezwa mu bindi bihugu nka Australia, Canada no mu muryango w’ibihugu by’u Burayi (EU). Biteganyijwe ko EU izemeza uru rukingo muri Nzeri uyu mwaka.

Urukingo rushya ruzatanga ubwirinzi kuri Omicron ndetse no ku kwihinduranya kwayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .