00:00:00 IGIHE NETWORK KN KINYARWANDA EN ENGLISH FR FRANCAIS

Ingaruka za Covi1-19 zatumye impfu za malaria ziyongera mu 2020

Yanditswe na IGIHE
Kuya 7 Ukuboza 2021 saa 08:07
Yasuwe :
0 0

Ishami ry’Umuryango w’Abibumbye ryita ku Buzima, OMS, ryatangaje ko ibibazo bifitanye isano n’icyorezo cya Covid-19 byatumye impfu za malaria ziyongera ndetse ko iyo hatagira igikorwa hakiri kare ibintu byari kurushaho kuba bibi.

Mu 2020 habonetse abantu barwaye malaria bagera kuri miliyoni 241 ku Isi hose biyongereyeho miliyoni 14 ugereranyije n’uko byari bihagaze mu mwaka wabanje ndetse abagera ku bihumbi 627 bahitanwa na yo. Aba biyongereyeho ibihumbi 69 ugereranyije n’uko byari bihagaza mu 2019.

Hafi kimwe cya gatatu cy’izo mpfu cyatewe n’imbogamizi mu kwirinda, gusuzuma no kuvura iyi ndwara mu bihe bya Covid-19 nk’uko OMS yabitangaje kuri uyu wa Mbere.

Ikibazo gikomeye cyagaragaye muri Afurika yo munsi y’Ubutayu bwa Sahara aho 95% by’abapfuye bazize malaria ari ho bakomoka ndetse mu bapfuye abagera kuri 80% bakaba ari abana bari munsi y’imyaka itanu.

Nk’uko inkuru ya AFP ibivuga, OMS igaragaza ko ibihugu 24 ari byo byabonetsemo ubwiyongere buhanitse bw’impfu za malaria kuva mu 2015.

Mu bihugu 11 bifite malaria nyinshi abayirwaye bavuye kuri miliyoni 150 mu 2015 bagera kuri miliyoni 163 mu 2020 mu gihe impfu zavuye ku bihumbi 39 zikagera ku 444.600 mu gihe kimwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .