Igerageza ry’urukingo rwa virusi itera Sida ryasize urucantege mu bashakashatsi

Yanditswe na Bukuru JC
Kuya 4 Gashyantare 2020 saa 10:11
Yasuwe :
0 0

Icyizere cy’uko haboneka urukingo rwatuma abantu batandura virusi itera Sida, cyayoyotse nyuma y’ibyavuye mu igerageza ry’urwo rukingo.

Ikigo cya Leta Zunze Ubumwe za Amerika gishinzwe Ubuzima, cyahagaritse igerageza ry’urukingo cyise HVTN 702 nyuma y’iryakorerwaga muri Afurika y’Epfo ariko abantu 5,000 barutewe basanze rutabasha kubarinda kwandura iyi virusi.

Abahanga mu by’ubuzima batangaje ko ibi ari urucantege ariko bidahagaritse ibikorwa byo gushakisha uru rukingo.

Uru rukingo ntabwo ruba rufite virus ya HIV, bityo nta mpungenge rwari ruteje ko rwayanduza umuntu.

BBC yatangaje ko uru rukingo rwaterwaga mu rushinge, rwari rwagaragaje ikigero runaka cyo kurinda iyi virusi igihe rwageragejwe bwa mbere mu bitaro muri Thailand.

Hari ubwoko bwinshi bw’izi nkingo za HIV bwakomeje kugeragezwa cyane muri Afurika y’Epfo, igihugu kiri mu bifite ubwandu buri hejuru ku Isi.

Hari hari icyizere cyinshi ko uru rukingo HVTN 702 ruzakora rukaba ari rwo ruzakwirakwizwa ku Isi, ariko abarugeragezaga basanze rudakora kuko bamwe mu baruhawe banduye virusi itera Sida.

Ubushakashatsi burakomeje mu gushaka urukingo ku buryo hari icyizere ko andi moko y’inkingo za HIV ari gutegurwa ashobora gukora.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza