Gutera akabariro inshuro nke bishobora gutuma umugore acura imburagihe

Yanditswe na Joy Monique Dukuze Umutesi
Kuya 15 Mutarama 2020 saa 12:09
Yasuwe :
0 0

Niba wowe n’uwo mwashakanye mukora imibonano mpuzabitsina inshuro nke, bishobora kuba byavamo ko umugore yazacura hakiri kare kurusha uyikora cyane.

Ubushakashatsi bwagaragaje ko abagore batera akabariro inshuro nke, amahirwe yo gucura kwabo aba ari hejuru ugereranyije n’abatera akabariro inshuro nyinshi.

Mu gukora ubu bushakashatsi, abagore babajijwe inshuro bakoraho imibonano mpuzabitsina. Abagore bavuze ko batera akabariro byibuze buri cyumweru, byagaragaye ko amahirwe yabo yo gucura hakiri kare ari make ku gipimo cya 28% ugereranyije n’abatera akabariro rimwe mu kwezi bo bari kuri 19%.

Ababwanditse bavuze ko kuba habaho guhuza ibitsina hagati y’umugore n’umugabo bishobora kumenyesha umubiri ko gutwita gushoboka. Ariko ku bagore badakora imibonano mpuzabitsina cyane, kuba bacura hakiri kare ngo bihita byisobanura ushingiye kuri iyi ngingo.

Ubusanzwe igihe cyo gucura ku mugore kiba hagati y’imyaka 45 na 55. Bavuga ko umugore yacuze kare iyo acuze mbere y’imyaka 40 bakanavuga ko yacuze atinze iyo bibaye arengeje imyaka 55.

N’ubwo ubushakashatsi butagaragaje aho ibi byombi bihurira, ababuyoboye bavuze ko bimwe mu bimenyetso by’umubiri bishobora kugaragaza ko hari amahirwe yo gusama, ariko ku bagore badatera akabariro inshuro nyinshi, gucura kwabo bishobora kugaragarira imbere mu mubiri gusa.

Ubu bushakashatsi bushingiye ku isesengura ryatangiye gukorwa muri Amerika ku buzima bw’umugore guhera mu 1996 ryitwa “Women’s Health Across the Nation”.

Bwashingiye ku makuru yatanzwe n’abagore 3000 bari bafite imyaka 45 mu gihe bwatangiraga, nibura buri wese afite abana babiri kandi afite umugabo.

Abagore 45% bagaragaje ko bacuze bagize imyaka 52. Amakuru ajyanye n’imibereho y’ubuzima bwabo yakusanyijwe mu gihe cy’imyaka 10.

Ku ikubitiro, nta mugore n’umwe muri aba bose wari wagacuze, ariko 46% bari batangiye kubona ibimenyetso byabyo birimo imihango ihindagurika no kumva mu mubiri bafite ubushyuhe bwinshi.

54% bo bari batarageza igihe cyo kujya gucura ndetse nta n’ibimenyetso byabyo babonaga kuko imihango yabo yazaga nk’ibisanzwe.

Ibikorwa bifitanye isano n’igitsina ntabwo byigeze bisobanurwa nko gukora imibonano mpuzabitsina gusa ahubwo hanarebwe ku bijyanye no kwishimishanya ku gitsina abantu bakoresheje umunwa cyangwa ururimi, kwikinisha, kwagazanya n’ibindi nka byo.

Ni bwo bushakashatsi bwa mbere bugaragaje isano iri hagati y’imibonano mpuzabitsina no gucura k’umugore. Ababukoze batangaje ko isesengura ryabo bagiye kurikorera ku kindi gice cy’abantu bakareba niba ibyo babona bizahura n’ibya mbere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .