Buri masegonda 39 umwana umwe yicwa n’umusonga ku Isi

Yanditswe na IGIHE
Kuya 13 Ugushyingo 2019 saa 07:39
Yasuwe :
0 0

Ubusesenguzi bushya bw’Ishami ry’Umuryango w’Abibumbye ryita ku bana (UNICEF), yerekana ko umusonga wahitanye abana 800 000 bari munsi y’imyaka itanu umwaka ushize, ni ukuvuga ko buri masegonda 39 hapfa umwana.

Impfu nyinshi zagaragaye mu bana bari munsi y’imyaka ibiri, aho abagera ku bihumbi 153 bapfuye mu kwezi kwabo kwa mbere bakivuka.

Umuyobozi wa UNICEF Henrietta Fore yagize ati “Buri munsi abana bagera ku 2200 bari munsi y’imyaka itanu bicwa n’umusonga, indwara ikira kandi ishobora kwirindwa”.

Yakomeye avuga ko hakenewe kwiyemeza no gushyira ubushobozi mu kurwanya iyi ndwara, habaho kuyirinda mbere no guhangana nayo ku bo yafashe.

Ibihugu bifite abana benshi bishwe n’umusonga ni Nigeria aho hapfuye 162.000 u Buhinde ni 127.000, Pakistan ni 58.000, RDC ni 40.000 naho Éthiopie ni 32.000.

Umusonga ni indwara iterwa na mikorobe za bagiteri cyangwa virusi, yibasira ibihaha. Akenshi igaragazwa no gukorora, umuriro no guhumeka bigoranye.

Umwaka ushize kandi impiswi yahitanye abana bari munsi y’imyaka itanu 437.000 naho malaria ihitana abana 272.000.

Abana bagera ku bihumbi 800 bishwe n'umusonga mu mwaka umwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza