Ba Nyampinga batatu b’u Rwanda bunze ubumwe mu bikorwa byo kuvura amaso i Huye (Amafoto)

Yanditswe na Uwiduhaye Theos
Kuya 4 Mata 2019 saa 05:18
Yasuwe :
0 0

Nyampinga w’u Rwanda mu 2018 Iradukunda Liliane na Nimwiza Meghan wambaye iri kamba, bagiye gufasha Iradukunda Elsa wababanjirije,mu gikorwa cyo kuvuza abantu barwaye ishaza bo mu Karere ka Huye.

Iki gikorwa kimaze iminsi kibera mu Karere ka Huye mu Ntara y’Amajyepfo aho Iradukunda Elsa afatanyije n’impuguke zivuye zo mu bitaro bya Kabgayi mu ishami rishinzwe amaso riyobowe na Dr Theophile Tuyisabe bari gufasha abaturage bafite ikibazo cy’ishaza.

Muri iki gikorwa abantu batandukanye bakomeje kwifatanya na Iradukunda Elsa ari muri urwo rwego Nimwiza na Iradukunda Liliane bagiye kumushyigikira.

Nimwiza yatangaje ko Iradukunda Elsa ari gukora igikorwa cy’indashyikirwa gikwiye kubera urugero rwiza abandi.

Nyampinga w’u Rwanda yatunguwe n’uburyo ubu buvuzi butangwa kandi bugatwara iminota mike.

Iradukunda Liliane we wari ubyitabiriye bwa kabiri yishimiye uburyo ari igikorwa gikomeje gufata indi ntera ndetse abona ko ari ibishoboka cyaba inshuro zirenze imwe mu mwaka.

Ati “Gufasha ni ibintu byiza ariko ibi byo ni ibitangaza mu bindi kuko ikintu kintera ibyishimo buri gihe ni uburyo iyo bapfukuye umuntu akareba, ibyishimo bimurenga nawe ukumva uranezerewe.”

Iradukunda Elsa mu 2017 yari yakoze igikorwa nk’iki aho havuwe abasaga 400 mu 2018 bwo havurwa abasaga 430, ubu hitezwe umubare munini kurusha imyaka yabanje.

Ba Nyampinga batatu b'u Rwanda mu myaka itandukanye bunze ubumwe mu gikorwa cyo kwita ku bafite ibibazo by'amaso
Nimwiza Meghan ni ubwa mbere yitabiriye iki gikorwa ariko yagishimye cyane
Byari ibyishimo kuri aba bakobwa kuba babashije guhurira mu gikorwa kimwe cyo gufasha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza