00:00:00 IGIHE NETWORK KN KINYARWANDA EN ENGLISH FR FRANCAIS

Amerika yemeje doze ishimangira y’urukingo rwa Covid-19 rugenewe abana

Yanditswe na IGIHE
Kuya 15 March 2023 saa 04:12
Yasuwe :

Ikigo cya Leta Zunze Ubumwe za Amerika gishinzwe ubugenzuzi bw’ibiribwa n’imiti, FDA, kuri uyu wa Kabiri cyemeje doze y’urukingo rwa Covid-19 rushimangira, rwagenewe abana bari munsi y’imyaka itanu, rwakozwe na Pfizer ifatanyije na BioNTech.

FDA yatangaje ko uruhushya rwo gukoresha urwo rukingo rwatanzwe nyuma yo kwakira amakuru y’igeragezwa ryarwo ryakorewe ku bana 60 bo muri icyo cyiciro cy’imyaka bahawe doze eshatu za mbere.

Nyuma y’ukwezi kumwe bahawe iyo doze, ubudahangarwa by’umubiri wabo byagaragaye ko bufite ubwirinzi buhamye imbere ya Covid-19 na virusi zihinduranyije za Omicron.

Umuyobozi muri FDA, Peter Marks yagize ati “Uruhushya rw’uyu munsi ruraha ababyeyi n’abarezi b’abana b’amezi kuva kuri atandatu kugeza ku myaka ine bahawe doze eshatu z’urukingo rwa Pfizer-BioNTech yo gushimangira ubwirinzi bwabo binyuze muri iyi doze.”

Ku rukingo rwakozwe na Pfizer bibarwa ko abana bakingiwe doze zibanza iyo bahawe eshatu mu gihe ku rwakozwe na Moderna bahabwa ebyiri.Imibare itangazwa na leta yerekana ko abitabiriye guhesha abana doze zibanza z’urukingo rwa Covid-19 ari bake cyane.

Abagera kuri 2,7% gusa mu bari munsi y’imyaka ibiri na 5% bafite kuva kuri ibiri kugeza kuri ine nibo bahawe doze za mbere.

Pfizer ni rwo ruganda rwa mbere ku isi rwakoze inking nyinshi kuva icyorezo cya Covid-19 cyatera. Raporo zivuga ko yinjije agera kuri miliyari 100 z’amadolari umwaka ushize; muri yo miliyoni 57 zavuye mu bucuruzi bw’inkingo n’ubw’ibinini bya Paxlovid.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .