Amerika yahagaritse ikoreshwa rya Hydroxychloroquine mu kuvura Coronavirus

Yanditswe na Umwali Zhuri
Kuya 16 Kamena 2020 saa 10:04
Yasuwe :
0 0

Ikigo gishinzwe ibiribwa n’imiti muri Leta Zunze Ubumwe za Amerika, FDA, cyahagaritse ikoreshwa rya hydroxychloroquine na chloroquine mu kuvura indwara ya COVID-19.

Hydroxychloroquine ni umuti wamamajwe cyane na Perezida Trump nk’ushobora gutanga igisubizo mu kuvura iyi ndwara.

Nyuma y’aho iki kigo gishinzwe imiti muri Amerika kigenzuriye ubushakashatsi bwawukozweho, cyavuze ko utubahirije ibyangombwa ku buryo wakoreshwa ugatanga umusaruro wa nyawo mu kuvura abarwaye COVID-19.

Iki kigo kivuga ko ibyavuye mu bushakashatsi bituma gukoresha uyu muti mu kuvura COVID-19 nta shingiro bifite kuko ibyiza byawo ari bike ugereranyije n’ibibazo ushobora gutera.

Umuyobozi mukuru ushinzwe ibya siyansi muri iki kigo, Denise Hinton, yagize ati “Guhera ubu, hydroxychloroquine na chloroquine ntabwo yemewe na FDA mu kuvura COVID-19."

FDA yaburiye abaganga kandi ibasaba kudaha abarwayi chloroquine cyangwa hydroxychloroquine mu gihe bari gukoresha umuti wa remdesivir, umwe wonyine watanzweho uburenganzira muri iki gihugu nk’ushobora kuvura coronavirus.

OMS nayo yari iherutse guhagarika igerageza kuri iyi miti aho inyandiko yatangajwe mu kinyamakuru cy’ibijyanye n’ubuvuzi, Lancet, igaragaza ko abantu bafata umuti wa hydroxychloroquine, baba bafite ibyago byo gupfa cyangwa kugira ibibazo by’umutima kurenza abatawufashe.

Mu Bufaransa naho abaganga ntibemerewe kongera gukoresha hydroxychloroquine, mu kuvura abarwayi ba Coronavirus, nyuma y’uko bitangajwe ko ushobora kugira ingaruka zikomeye ku buzima.

Amerika yahagaritse ikoreshwa rya Hydroxychloroquine mu kuvura Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .