Abashakashatsi bagaragaje ko mu bihaha by’abantu babyibushye habamo ibinure

Yanditswe na IGIHE
Kuya 18 Ukwakira 2019 saa 03:49
Yasuwe :
0 0

Abashakashatsi bagaragake ko mu bihaha by’abantu bafite umubyibuho ukabije haba harimo ibinure bituma icyo gice cy’umubiri kigaragara nk’ikibyibushye.

Abo bashakashatsi bo muri Australia bakoreye ubushakashatsi bwabo ku bantu 52 bapfuye bafite umubyibuho ukabije basanga mu bihaha byabo harimo ibinure.

Ni ubwa mbere ubushakashatsi bwari bugaragaje ibintu nk’ibyo. Bavuze ko ari yo mpamvu abenshi mu bafite umubyibuho ukabije bahura n’ibibazo byo guhumeka.

Mu bushakashatsi bwatangajwe mu kinyamakuru European Respiratory Journal, bwagaragaje ko mu bantu bwakoreweho, 21 bari baragaragaje ibimenyetso by’indwara ya Asthma ariko atari yo yabahitanye mu gihe 16 ntayo bari bafite.

Mu bihaha by’abakoreweho ubushakashatsi basanzemo ibinure, byagera mu babyibushye cyane bikaboneka ari byinshi.

Umwe mu bashakashatsi, Dr Peter Noble yavuze ko byahise bibagaragariza ko abantu bafite umubyibuho ukabije baba bafite ibyago byinshi byo guhura n’indwara z’ubuhumekero.

Icyo abashakashatsi bataravumbura ni ukumenya niba mu gihe umuntu ubyibushye cyane yagabanyije ibilo bishobora kugabanya ibinure biri mu bihaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza