Ubushinjacyaha Bukuru buvuga ko abahamijwe icyaha bagikoze ku wa 8 Ukwakira 2022 aho bishe uwitwa Hakizimana Boaz bamuciye umutwe. Abo ni Mbarushimana Jean Bosco, Uwigiramahoro Mathilde, Munyeshara Isaac, Dushimimana Joel na Hagumiryayo Edouard.

Icyaha bagikoreye mu Mudugudu wa Muguruka, Akagari ka Rurenge, Umurenge wa Murama, Akarere ka Ngoma.

Hakizimana Boaz yishwe nyuma yo kuburana isambu ye mu Bunzi yari yaragurishijwe n’umugore we, akaba ari bwo batangiye gucura umugambi w’uko bazamwica ari nabwo bahise batangira kugabana inshingano kugira ngo umugambi wabo ugerweho.

Nyuma bamwambuye imyenda ye yose bayizingiramo uwo mutwe bajya kuwujugunya mu mugezi.

Urukiko rwahanishije buri wese igihano cy’ igifungo cya burundu.