Micomyiza yazanywe muri Kaminuza y’u Rwanda, ishami rya Huye yahoze yitwa UNR, nyuma y’umwanzuro w’urukiko wari ugamije kujya kureba ahavugwa ko yakoreye ibyaha, ngo rumenye niba koko ibivugwa mu rubanza bihura n’imiterere y’ahantu bavuga mu iburanisha.

Abamwunganira mu rubanza bavuga ko ibi bizabafasha mu kumenya ukuri ku bivugwa n’abamushinja, bityo binafashe mu migendekere myiza y’urubanza.

Micomyiza w’imyaka 53, akurikiranyweho ibyaha bya Jenoside yakorewe Abatutsi mu 1994, mu bice bitandukanye byo mu Mujyi wa Huye, wahoze witwa Butare birimo Kaminuza Nkuru y’u Rwanda (UNR) mu Murenge wa Ngoma, ku Mukoni n’i Cyarwa ho mu Murenge wa Tumba, ubwo yari umunyeshuri muri Kaminuza.

Micomyiza Ukunze no kwitwa Mico, yoherejwe n’Igihugu cya Suède mu mwaka wa 2022 kuburanira aho ibyaha akekwaho byakorewe.

Ubwo yari akigera muri UR-Huye ahazwi nko kuri Koica

Aha ni ku bibuga by'imikino y'intoki mu cyari UNR, aho bivugwa ko muri Jenoside, babarizaga abanyeshuri b'abatutsi indangamuntu