00:00:00 IGIHE NETWORK KN KINYARWANDA EN ENGLISH FR FRANCAIS

Inzitizi za Mutamaniwa uregwa muri dosiye imwe na CSP Kayumba zatewe utwatsi (Video)

Yanditswe na Nkundineza Jean Paul
Kuya 23 Nzeri 2021 saa 11:51
Yasuwe :
0 0

Urukiko rw’Ibanze rwa Nyarugenge rwateye utwatsi inzitizi zatanzwe na Mutamaniwa Ephraim wahoze ashinzwe Ubutasi muri Gereza ya Nyarugenge mu rubanza areganwamo na CSP Kayumba Innocent wahoze ari Umuyobozi wayo mukuru na SP Ntakirutimana Eric wari Umuyobozi wungirije.

Uyu mwanzuro watangajwe ku wa Kabiri, tariki ya 21 Nzeri 2021. Ni nyuma y’uko Mutamaniwa yari yasabye ko yarekurwa kuko muri gereza abayeho nabi.

Umucamanza yategetse ko Mutamaniwa Ephraim akomeza gufungwa akabanza kuburana urubanza mu mizi areganwamo na bagenzi be.

Mu iburanisha riheruka ku wa 17 Nzeri 2021, ubwo byari byitezwe ko urubanza ruburanishwa mu mizi, Mutamaniwa Ephraim wunganiwe mu mategeko na Me Udahemuka Tharcisse yatanze inzitizi zisaba umucamanza kumurekura agakurikiranwa adafunze kuko ubwo yatabwaga muri yombi yafatwaga nka gatozi mu gikorwa cy’ubujura cyakorewe uwitwa Kassem Ayman Mohamed wibwe miliyoni 9 Frw.

Ubwo yari imbere y’urukiko, Mutamaniwa yavuze ko Uwitwa Olivier Amani yemereye urukiko ko ariwe wibye Kassem Ayman Mohamed ahita aba gatozi Ubushinjacyaha bumugira umufatanyacyaha mu gikorwa cy’ubujura cyakozwe.

Mutamaniwa yasabye kurekurwa by’agateganyo kuko ubwo yafatwaga bwa mbere no mu mabazwa yose yabajijwe nka gatozi muri uru rubanza.

Yagize ati “Urubanza rugeze mu rukiko dutangiye kuburana mu mizi haboneka gatozi witwa Amani Olivier nk’uko yabyiyemereye ubwe mu rukiko atanga ubuhamya bw’uko yibye akoresheje ikoranabuhanga; ko ariwe mucurabwenge mu bujura bwakorewe Kassem Ayman Mohamed ufungiye muri Gereza ya Nyarugenge wibwe miliyoni zisaga 9 Frw.’’

Biteganyijwe ko urubanza mu mizi rukomeza ku wa Gatanu ku wa 24 Nzeri 2021, Saa Tatu za mu gitondo.

Abaregwa bose bakurikiranyweho ibyaha birimo kwinjira mu makuru abitse muri mudasobwa n’icyaha cy’ubujura. Bose barahakana ndetse bagasaba urukiko kurekurwa bagasanga imiryango yabo kuko muri gereza ari habi.

Mutamaniwa Ephraim yangiwe kurekurwa by'agateganyo
Abaregwa bose bafungiye muri Gereza ya Nyanza. Bakurikiranyweho ibyaha birimo kwinjira mu makuru abitse muri mudasobwa n’icyaha cy’ubujura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .