00:00:00 IGIHE NETWORK KN KINYARWANDA EN ENGLISH FR FRANCAIS

Huye: Umukobwa w’imyaka 20 akurikiranyweho gusambanya umwana w’umuhungu

Yanditswe na IGIHE
Kuya 31 August 2022 saa 05:17
Yasuwe :

Ubushinjacyaha ku rwego rwisumbuye wa Huye rukurikiranye umukobwa w’imyaka 20 ushinjwa gusambanya umwana w’umuhungu w’imyaka 10 wo mu Karere ka Gisagara.

Ku itariki 29 Kanama nibwo Ubushinjacyaha bwashyikirijwe dosiye y’uwo mukobwa. Icyaha akurikiranyweho cyabaye ku wa 18 Kanama mu Mudugudu wa Rurenge, Akagari ka Kibu mu Murenge wa Mugombwa.

Nk’uko tubikesha urubuga rw’Ubushinjacyaha, ukekwa yari aturanye n’umuryango umwana yabagamo. Mu ibazwa rye yasobanuye ko yahamagaye uwo mwana avuye kuvoma akamujyana mu cyumba cye maze akamusambanya.

Ukekwa ngo yasabye imbabazi z’ibyo yakoze abitewe n’uko ngo yumvaga abishaka.

Icyaha cyo gusambanya umwana akurikiranyweho kiramutse kimuhamye yahanishwa igifungo cya burundu, hashingiwe ku biteganywa mu ngingo ya 4 y’itegeko Nº 69/2019 ryo ku wa 08/11/2019 rihindura Itegeko nº 68/2018 ryo ku wa 30/08/2018 riteganya ibyaha n’ibihano muri rusange.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .