00:00:00 IGIHE NETWORK KN KINYARWANDA EN ENGLISH FR FRANCAIS

Dr Kayumba Christopher yasubiye imbere y’urukiko agaragaza ko atiteguye kuburana

Yanditswe na IGIHE
Kuya 16 September 2022 saa 04:23
Yasuwe :

Dr Kayumba Christopher ukurikiranyweho ibyaha byo gukoresha undi imibonano mpuzabitsina ku gahato n’ubwinjiracyaha kuri iki cyaha yitabye Urukiko Rwisumbuye rwa Nyarugenge kugira ngo aburanishwe mu mizi.

Kayumba yitabye urukiko kuri uyu wa Gatanu tariki 16 Nzeri 2022, kugira ngo atangire kuburanishwa mu mizi, aho yaburanye hifashishijwe ikoranabuhanga rya Skype.

Umucamanza wari uyoboye inteko iburanisha yavuze ko hakenewe umwanya kugira ngo babanze bamenye ibikubiye muri dosiye .

Ni mu gihe Dr Kayumba nawe yahise avuga ko atiteguye kuburana kuko aho afungiye atabasha kubonana n’umwunganizi we mu by’amategeko.

Umucamanza yahise yanzura ko urubanza ruzaburanishwa ku wa 14 Ukwakira 2022.

Dr Kayumba yatawe muri yombi ku wa Kane tariki ya 9 Nzeri 2021. Akurikiranyweho ibyaha bivugwa yakoze mu bihe bitandukanye mu 2017 mu Karere ka Gasabo, mu Murenge wa Remera aho atuye.

Yatangiye gukorwaho iperereza bwa mbere muri Werurwe 2021 ubwo hatangiraga kumvikana inkuru y’uko hari abakobwa barimo abari abanyeshuri be muri Kaminuza y’u Rwanda yagiye akorera ihohotera rishingiye ku gitsina.

Icyo gihe Umunyamakuru wa CNBC, Fiona Ntarindwa Muthoni, yareruye avuga ko yakorewe ihohoterwa rishingiye ku gitsina na Dr Kayumba.

Ubwo yaburanaga ku ifungwa n’ifungurwa ry’agateganyo, mu Ugushyingo 2021, Dr Kayumba yavuze ko nta cyaha yakoze cyo gushaka gufata ku ngufu uwitwa Yankurije. Yavuze ko ibyo byaha byazamutse amaze gushinga ishyaka ritavuga rumwe n’ubutegetsi.

Yavuze ko ibyo Yankurije amushinja ari ibinyoma kuko atabimureze mu 2017, umwaka ibyaha ashinjwa bivugwa ko byakozwemo.

Ubushinjacyaha bwo bwaburanye busaba ko Dr Kayumba Christopher akomeza gufungwa by’agateganyo kuko bugikora iperereza ku byaha akekwaho. Bwavuze ko mu gihe yaba arekuwe yasibanganya ibimenyetso.

Bwavuze ko kuba Dr Kayumba Christopher akora umwuga w’itangazamakuru akaba anasanzwe afite ikinyamakuru cye , aramutse arekuwe yasibanganya ibimenyetso akoresheje icyo kinyamakuru.

Inkuru wasoma: https://igihe.com/amakuru/u-rwanda/article/dr-kayumba-christopher-yatawe-muri-yombi

Dr Kayumba Christopher yasubiye imbere y’urukiko agaragaza ko atiteguye kuburana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .