00:00:00 IGIHE NETWORK KN KINYARWANDA EN ENGLISH FR FRANCAIS

Dr Bihira wari umaze hafi ukwezi afunzwe, yarekuwe by’agateganyo

Yanditswe na Nkundineza Jean Paul
Kuya 22 Nzeri 2021 saa 06:45
Yasuwe :
0 0

Ku gicamunsi cyo kuri uyu wa Kabiri, Urukiko rw’Ibanze rwa Gasabo rwategetse ko Dr Bihira Canisius arekurwa by’agateganyo akazajya yitaba Ubushinjacyaha rimwe mu cyumweru mu gihe cy’ukwezi kumwe.

Dr Bihira yari yatawe muri yombi ku wa 26 Kanama 2021, aho byatangajwe ko akurikiranweho icyaha cyo kwihesha ikintu cy’undi hakoreshejwe uburiganya.

Umwe mu banyamategeko ba Dr Bihira Canisius, Me Munyentwari Jean Maurice, mu kiganiro na IGIHE yavuze ko bishimiye icyemezo cyafashwe n’urukiko kuko rwakoze ibyo amategeko ateganya kuko kuburana umuntu adafunze ari ryo hame.

Me Munyentwari yavuze ko urukiko rwahaye agaciro ibyo Dr Bihira yasabye aho yaburanye ifunga n’ifungurwa ry’agateganyo asaba gufungurwa by’agateganyo akaburana ari hanze kuko atari umuntu watoroka ubutabera kandi mu gihe bwamukenera bwamubona.

Uyu munyamategeko yavuze ko ikindi urukiko rwagendeyeho rurekura umukiliya we ko ari uko yatanze ingwate iruta kure agaciro k’ibyo aregwa.

Dr Bihira aregwa miliyoni 12Fr mu gutanga impamvu zikomeye zatuma arekurwa by’agateganyo agakurikiranwa ari hanze akaba yaratanze ingwate zisaga miliyoni 69Frw.

Umucamanza yavuze ko Ubushinjacyaha bufite iminsi itanu yo kujururira icyemezo cy’urukiko mu Rukiko Rwisumbuye rwa Gasabo.

Dr Bihira Canisius yafunguwe by'agateganyo nyuma y'iminsi yari amaze afunzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .