00:00:00 IGIHE NETWORK KN KINYARWANDA EN ENGLISH FR FRANCAIS

Bamporiki agiye kuburanishwa mu bujurire

Yanditswe na IGIHE
Kuya 30 Ugushyingo 2022 saa 06:59
Yasuwe :

Edouard Bamporiki wahamijwe ibyaha byo kwihesha ikintu cy’undi hakoreshejwe uburiganya no gukoresha mu nyungu ze bwite ububasha ahabwa n’itegeko tariki 19 Ukuboza mu 2022, agiye kuburanishwa mu bujurire n’Urukiko rukuru.

Edouard Bamporiki wahoze ari Umunyamabanga wa Leta muri Minisiteri y’Urubyiruko agiye kuburanishwa mu bujurire nyuma y’uko ku wa 30 Nzeri 2022 yari yahanishijwe gufungwa imya ine n’ihazabu ya miliyoni 60 Frw n’Urukiko rwisumbuye rwa Nyarugenge.

Ubushinjacyaha bwaregaga ibyaha bibiri Bamporiki Birimo icyaha cyo kwakira indonke nk’icyaha cya ruswa no gukoresha ububasha ahabwa n’amategeko mu nyungu ze bwite. Ku wa 21 Nzeri Ubushinjacyaha bwari bwasabye urukiko kumuhamya ibyo byaha, rukamukatira igifungo cy’imyaka 20 n’ihazabu ya miliyoni 200 Frw.

Yatangiye gukurikiranwa ubwo uwitwa Gatera Norbert ufite Uruganda rwitwa Norbert Business Group rutunganya inzoga, yandikiraga Umunyamabaga Mukuru w’Urwego rw’Ubugenzacyaha, RIB, atanga ikirego cy’akarengane akorerwa na Bamporiki.

Kuva icyo gihe Bamporiki yatangiye gukurikiranwa ariko ari iwe mu rugo.

Inkuru bijyanye: Bamporiki yakatiwe gufungwa imyaka ine

Bamporiki agiye kuburanishwa mu bujurire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .