Prime Life Insurance yatangije “Ikimina cyacu”, ubwishingizi buzorohereza Abanyarwanda kwizigamira

Yanditswe na Iradukunda Serge
Kuya 5 Kamena 2020 saa 08:11
Yasuwe :
0 0

Sosiyete y’Ubwishingizi ya Prime Life Insurance yatangije ku mugaragaro ubwishingizi bwitwa Ikimina cyacu bwitezweho gusobanurira neza Abanyarwanda akamaro ko kwizigamira no kuborohereza kubigeraho.

Ikimina cyacu ni gahunda Prime Life Insurance yatekerejeho igendeye ku buryo bwa gakondo bw’Abanyarwanda bwo kwizigamira busanzwe buzwi nk’ibimina, ariko yo ibushyira mu buryo bw’ikoranabuhanga kandi burushaho gutanga umutekano ku mafaranga y’ababugannye.

Umuyobozi Mukuru wa Prime Life Insurance, Habarurema Innocent, yavuze ko ’Ikimina cyacu’ cyatangijwe nyuma yo kubona hakiri imbogamizi mu buryo bwo kwiteganyiriza butekanye, bworohereza abaturage kandi bukanabungukira.

Yashimangiye ko basanze bakwiye gushyiraho ubu buryo kugira ngo barusheho kugira uruhare mu iterambere ry’Abanyarwanda.

Yakomeje ati “Igituma bagomba kugana Prime Life Insurance mu buryo bw’umwihariko, ni uko noneho bafite umutekano wizewe w’amafaranga yabo kandi bakayabonaho n’inyungu. Ikindi akaba ashobora kuyategurira umushinga runaka w’igihe kigufi cyangwa kirekire. Kumenya amafaranga ufitemo n’inyungu zayo ubirebera muri telefoni yawe.’’

Ku wifuza kwinjira muri ubu buryo bwo kwiteganyiriza abikora yifashishije telefoni igendanwa aho yandika *177#, agahitamo ahanditse “Ubuzima no Kwizigamira” ubundi agakurikiza amabwiriza.

Ku watangiye gukoresha ubu buryo buri mwaka yungukirwa 3% by’amafaranga by’ubwiteganyirize bwe, kandi mu gihe yamaze gutanga ubwiteganyirize bw’amezi atatu akaba yabikuzaho agera kuri 50%, amezi atandatu 70% naho nyuma y’umwaka akabikuza 100%.

Habarurema yagiriye inama Abanyarwanda ko kwizigama bitakabaye bikorwa n’usaguye, ahubwo ni ukureba kure.

Umwe mu bamaze ukwezi batangiye gukoresha Ikimina Cyacu, Habanabariho Théoneste avuga ko kuri we amaze kubibonamo inyungu nyinshi.

Yagize ati “Iki kimina iyo ukigiyemo uba wizigamye kandi ufite n’ubwishingizi icya rimwe, kuko tuzi ahahise ariko uko ejo bizagenda ntabyo tuzi, niyo mpamvu nyamukuru kuri njyewe nahisemo iki kimina.”

Abanyarwanda bibukijwe kugira umuco wo kwiteganyiriza no kwigira ku bihe igihugu kimazemo iminsi kubera icyorezo cya COVID-19.

Umuyobozi w’Inama y’Ubutegetsi ya Prime Life Insurance, Ceaser Nkusi Nkwesi, yavuze ko “Kwizigamira ntabwo bisaba amafaranga menshi, bisaba gusa gufata icyemezo ukabifata nk’igikorwa cy’ingirakamaro mu buzima bwawe kigufasha mu bihe biri imbere, cyane cyane ibitunguranye bisaba amafaranga.”

Uwayobotse ikimina cyacu mu gihe yitabye Imana, Prime Life Insurance iha umuryango we umusanzu yari amaze kugezamo n’inyungu zawo hakaniyongeraho n’impozamarira ingana na 5% y’ubwizigame bwose.

Uretse ubu bwiteganyirize bw’Ikimina Cyacu, Prime Life Insurance Ltd ifite ubundi buryo bwo kwiteganyiriza burimo guteganyiriza amashuri y’abana mu byiciro byose, Ubwishingizi bw’umuryango, guteganyiriza iza bukuru, ubwishingizi bw’abakozi mu ngeri zose, ubwishingizi bwo gutabara ndetse n’ubwishingizi ku nguzanyo.

Umuyobozi Mukuru wa Prime Life Insurance, Habarurema Innocent, avuga ko Ikimina Cyacu ari uburyo bufite umutekano bwo kwiteganyiriza
Umuyobozi w’Inama y’Ubutegetsi ya Prime Life Insurance, Ceaser Nkusi Nkwesi, yasabye Abanyarwanda kugira umuco wo kwiteganyiriza
Ni umuhango wari witabiriwe n'abayobozi batandukanye muri Prime Life Insurance Ltd
Hateguwe umutsima mu rwego rwo kwishimira itangizwa ry'Ikimina Cyacu
Abayobozi muri Prime Life Insurance bakata umutsima mu rwego rwo gutangiza Ikimina Cyacu
Mu kwezi kumwe atangiye kwiteganyiriza Habanabariho arishimira imikorere ya Ikimina Cyacu

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .