Unguka Bank yatangije uburyo bwo kwishyura ibicuruzwa ku buntu hakoreshejwe POS

Yanditswe na IGIHE
Kuya 14 Kanama 2020 saa 02:15
Yasuwe :
0 0

Unguka Bank yashyizeho uburyo bw’ikoranabuhanga bwitwa POS, buzafasha abanyarwanda kwishyura ibicuruzwa bifashishije ikoranabuhanga kandi ku buntu.

POS ni uburyo bwifashisha imashini mu kwishyura ibicuruzwa bitandukanye, bukazakoreshwa n’abakiliya ba Unguka Bank ndetse n’abandi banyarwanda bo mu zindi banki bifuza gukoresha izi serivise, barazemerewe kandi bazihabwa mu buryo bworoshye.

Gukoresha POS bisaba gusa kuba usanganywe ikarita ya Unguka Bank yo kubikuza ndetse no kwishyura (UB Debit Card). Utayifite, yegera icyicaro cya Unguka Bank mu turere dutandukanye, akayihabwa.

Umwihariko w’izi mashini, ni uko ku mukiliya ufite ikarita ya UB Debit Card, kwishyura ibicuruzwa ku mashini ya POS nta kiguzi bisaba.

Imashini za POS zihabwa abacuruzi b’ingeri zose kugira ngo bazikoreshe bishyuza ibicuruzwa byabo. Ku bacuruzi bazifuza, bashobora kwegera ishami rya Unguka Bank ribegereye bakazihabwa.

Izi mashini zitezweho guhindura ubucuruzi kuko zizatuma umucuruzi wishyuwe ahita abona amafaranga kuri konti ye, bidasabye ko afata umwanya yakabaye abyaza inyungu ngo ajye gutonda umurongo abitsa kuri banki.

Ibi kandi bizanakumira ubujura n’urugomo byakururwaga no gutwara amafaranga menshi ugiye kuri banki, ibyashoboraga no guteza umutekano mucye.

Ni inzira nziza kandi yo kurushaho kwirinda ikwirakwira ry’icyorezo cya Coronavirus, kuko bituma ubucuruzi bukomeza, abantu bakishyurana kandi badahererekanyije amafaranga mu ntoki.

Ku bifuza kubona izi mashini cyangwa ibindi bisobanuro, bashobora kwegera ishami rya Unguka Bank ribegereye, cyangwa bagakoresha umurongo utishyurwa ari wo 9591.

Unguka Bank ni ikigo cy’imari gikorera mu Rwanda kuva ku wa 30 Mutarama 2005, aho cyatangiye ari ikigo cy’imari iciriritse. Icyo gihe gihe cyatangiranye amashami abiri gusa, rimwe ryari i Remera irindi riri Nyabugogo mu Mujyi wa Kigali.

Icyo gihe icyicaro gikuru cyari Nyabugogo ariko kiza kwimukira i Remera mu 2006, nyuma cyimukira mu Mujyi rwagati muri 2011. Ku wa 6 Mata uwo mwaka nibwo inama nkuru ya Banki Nkuru y’u Rwanda, BNR, yahaye Unguka Bank icyemezo kiyemerera kuba banki iciriritse, Microfinance bank.

Muri rusange Unguka Bank ifite abanyamigabane batatu barimo Unguka Investiment Group ifitemo imigabane ingana na 51.02%, RIF II ifitemo imigabane ingana na 28.34% na PEAMEF ifitemo imigabane ingana na 20.64%.

Gukoresha POS mu kwishyura ni ubuntu nta kiguzi umuntu asabwa
Ubu buryo bujyanye na gahunda y'igihugu yo gukoresha ikoranabuhanga mu kwishyurana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .