00:00:00 IGIHE NETWORK KN KINYARWANDA EN ENGLISH FR FRANCAIS

Ubucuruzi hagati y’ibihugu bya EAC bwageze kuri miliyari zirenga $10

Yanditswe na Igizeneza Jean Désiré
Kuya 12 Mutarama 2023 saa 09:19
Yasuwe :

Ubucuruzi hagati y’ibihugu birindwi by’Umuryango wa Afurika y’Uburasirazuba, EAC, bukomeje kuzamuka aho muri Nzeri 2022, bwageze kuri miliyari 10.17 z’amadolari.

Ubucuruzi hagati y’ibihugu bya EAC bubarwa harebwa ibyatumijwe n’ibyoherejwe mu bihugu birindwi bigize EAC. Ubu bucuruzi bwiyongereyeho 13% mu 2019 aho bwari bufite agaciro ka miliyari $7.1 buzamukaho 15% mu 2021 n’agaciro ka miliyari $9.5.

Uyu ni umusaruro wagizwemo uruhare n’abakuru b’ibihugu binyamuryango borohereje abashoramari hagati y’ibihugu ndetse no gucisha make kwa Covid-19 yari yaribasiye ubukungu ku buryo bugaragara.

Umunyamabanga Mukuru wa EAC, Hon. Peter Mathuki yavuze ko ibiganiro hagati y’ibihugu byagize uruhare runini mu gukuraho imbogamizi zabangamiraga ubucuruzi bwa EAC, yemeza ko hamwe n’izindi ngamba bizera ko mu myaka itanu iri mbere ubu bucuruzi buzaba bwarageze ku rwego rwifuzwa.

Ati “Kuva mu 2007 ibibazo bibangamira ubucuruzi mu bihugu bigize EAC, no gukuraho imbogamizi zidashingiye ku misoro (Non-Tarriff Barriers: NTBs), zabangamiraga ubucuruzi bw’akarere, ibi bitanga icyizere ko intego yo kuzamura ubucuruzi muri EAC".

Kugeza ubu agaciro k’ubucuruzi bwa EAC n’ahandi Isi kageze kuri miliyari 62$, ibigaragaza ko nubwo ubukungu bwa EAC bwazamutse hagikenewe gushyirwamo izindi mbaraga kugira ngo bukomeze butera imbere.

Umwiherero wa EAC kandi wanzuye ko hagiye koherezwa itsinda ryihariye rizajya kugenzura niba Somalia yujuje ibisabwa kugira ngo igirwe umunyamuryango wa EAC, nyuma y’ubusabe bwayo ibizongerera agaciro ubucuruzi hagati y’ibihugu bya EAC cyane ko Somalia ikora ku Nyanja.

Dr Mathuki yavuze ko ubucuruzi bwa EAC bugikeneye kongerwamo imbaraga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .