TECNO Mobile yahembye uwahize abandi mu irushanwa ryo gushushanya

Yanditswe na Uwiduhaye Theos
Kuya 7 Ukwakira 2019 saa 03:27
Yasuwe :
0 0

Sosiyete ya TECNO Mobile ikora telefoni ngendanwa ikanazicuruza, iherutse kuzana iduka rishya mu Mujyi wa Kigali rwagati, yahembye batatu ba mbere mu irushanwa ry’abanyabugeni.

Mu ntangiro za Nzeri 2019, TECNO Mobile nibwo yatangije irushanwa ry’abanyabugeni, ryatangiye mu gihe iyi sosiyete yanamurikaga iduka rishya riri mu Mujyi rwagati.

Iri rushanwa ryo gushushanya ryahuje abantu batandukanye biyumvamo iyi mpano, aho biyandikishaga bakoresheje imbuga nkoranyambaga.

Icyo gihe umuntu wiyandikishaga yifashishaga imbuga nkoranyambaga za Facebook na Instagram agashyiraho igishushanyo cye ubundi agakora tag kuri Tecno Mobile Rwanda agakoresha na Hashtag zirimo iya #TECNOMobileRwanda #SparkYourCreativity #HELLOPHONEGroundOpening na #expectmore.

TECNO Mobile yahitaga ifata igishushanyo cye ikagishyira ku rukuta rwayo, nyum haza gutoranywa abagize likes na comments bajya mu cyiciro cya nyuma.

Batanu baje kugera mu cyiciro cya nyuma batoranyijwemo uwa mbere bari; Amani Sylvestre, Ngabira Herve, Niyonsaba Serge, Girihirwe Fabrice na Ishimwe Diane.

Ngabira Herve yaje guhigika bagenzi be aba uwa mbere, akurikirwa na Girihirwe Fabrice na Amani Sylvestre. Ngabira yegukanye 500,000 Frw, uwa kabiri ahabwa 300,000 Frw, naho uwa gatatu yahawe 200,000 Frw.

Tecno Mobile iherutse gushyira ku isoko telefoni nshya ya Camon 12, ndetse n’irindi duka rishya riherereye mu Mujyi wa Kigali muri Quartier Commercial.

Niyonkuru Yves ushinzwe itangazamakuru muri Tecno Mobile yabwiye IGIHE ko batangije iri duka mu rwego rwo gukomeza kwegera abakiliya babo.

Ngabira Herve wabaye uwa mbere mu irushanwa rya TECNO Mobile
Niyonsaba Serge yaje muri batanu ba mbere muri iri rushanwa ariko ntiyabasha kwegukana igihembo nyamukuru cyangwa ikindi icyo aricyo cyose
Ishimwe Diane niwe mukobwa wenyine wari urimo ntiyabasha kugira igihembo yegukana
Girihirwe Fabrice wabaye uwa kabiri
Amani wabaye uwa gatatu
Ku iduka rishya TECNO Mobile iherutse gufungura mu Mujyi niho habereye iki gikorwa cyo guhemba abanyempano mu gushushanya
Abantu bari gusobanurirwa serivisi za TECNO Mobile
TECNO Mobile iri imbere mu kugira telefoni zihendutse kandi zikoranywe ubuhanga
TECNO Mobile ni imwe mu masosiyete acuruza telefoni akomeye ku Isi

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza