Ibiciro ku isoko byiyongereyeho 2.3% muri Kanama 2019

Yanditswe na IGIHE
Kuya 10 Nzeri 2019 saa 06:03
Yasuwe :
0 0

Ikigo cy’igihugu gishinzwe ibarurishamibare mu Rwanda, NISR, cyatangaje ko Ibiciro mu mijyi byiyongereyeho 2.3% mu kwezi gushize kwa Kanama 2019, ugereranyije na Kanama 2018.

Ni ibipimo byakomeje kuzamuka kuko ihinduka ry’ibiciro mu Rwanda muri Nyakanga 2019 ryari ku kigereranyo kingana na 1.9%.

Mu mibare yashyizwe ahagaragara kuri uyu wa Kabiri, NISR yatangaje ko bimwe mu byatumye ibiciro byiyongeraho 2.3% muri Kanama ari ibiciro by’ibiribwa n’ibinyobwa bidasembuye byazamutseho 2.7%, ibiciro by’ibinyobwa bisembuye n’itabi byazamutseho 8.0%, ibiciro by’ibyambarwa byazamutseho 7.8% n’ibiciro by’ibijyanye n’ubwikorezi byazamutseho 1.7%.

Yakomeje iti “Iyo ugereranyije Kanama 2019 na Kanama 2018, usanga ibiciro by’ibintu bitarimo ibiribwa n’ibikomoka ku ngufu byarazamutseho 2.6%. Wagereranya ukwezi kwa Kanama 2019 n’ukwezi kwa Nyakanga 2019, ibiciro bikiyongeraho 0.9%. Iri zamuka ahanini ryatewe n’ibiciro by’ibiribwa n’ibinyobwa bidasembuye byazamutseho 2.5%.”

Ku bijyanye n’ibiciro mu byaro, muri Kanama 2019 byiyongereyeho 3.2% ugereranyije na Kanama 2018. Ihinduka ry’ibiciro mu byaro muri Nyakanga 2019 ryari ku kigereranyo kingana na 1.3%.

Bimwe mu byatumye ibiciro byiyongeraho 3.2% muri Kanama ni ibiciro by’ibiribwa n’ibinyobwa bidasembuye byazamutseho 4.2% n’ibiciro by’ibyambarwa byazamutseho 7.2%.

Iyo ugereranyije ukwezi kwa Kanama 2019 n’ukwa Nyakanga 2019, usanga ibiciro byarazamutseho 2.5%. Iri zamuka ahanini ryatewe n’ibiciro by’ibiribwa n’ibinyobwa bidasembuye byazamutseho 4.7%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza