00:00:00 IGIHE NETWORK KN KINYARWANDA EN ENGLISH FR FRANCAIS

EgyptAir igiye kongera ingendo z’indege zihuza Cairo na Kigali

Yanditswe na Manzi Angelo
Kuya 11 Ugushyingo 2022 saa 10:45
Yasuwe :

Sosiyete y’indege yo mu Misiri, EgyptAir, yatangaje ko iteganya kongera ingendo hagati ya Kigali na Cairo buri cyumweru nyuma y’aho bigaragaye ko biikenewe.

Muri izo mpinduka ingendo zizajya zikorwa inshuro eshatu mu cyumweru zivuye kuri ebyiri kuva iyi sosiyete yatangira ingendo zigana mu Rwanda mu 2019.

Ibi byatangajwe n’ Umuyobozi wa EgyptAir, Mohamed Elkady kuri uyu wa Kane tariki ya 10 Ugushyingo 2022 nk’uko inkuru ya Newtimes ibivuga.

Mohamed Elkady mu kiganiro yagiranye n’itangazamakuru yatangaje ko iki cyemezo bafashe kigaragaza agaciro Misiri iha umubano mwiza ifitanye n’u Rwanda mu by’ubukungu.

Ati “Tumaze igihe dukorera mu Rwanda guhera 2019, ingendo ziragenda neza niyo mpamvu twashyizeho gahunda yo kuzongera zikaba eshatu buri cyumweru guhera mu ku wa 12 Ukuboza 2022.”

Elkady yongeyeho ko ingendo zo mu kirere za Kigali zihagaze neza kuva inama ya CHOGM 2022 yarangira ndetse ko n’abantu benshi baza mu bucuruzi no mu bukerarugendo bava Kigali biyongereye.

EgyptAir yerekeza ahantu 70 hatandukanye ku isi, harimo ahantu 20 muri Afurika n’ahandi harenga 40 ihuriyeho n’izindi sosiyete. Iyi sosiyete yashinzwe mu 1932 ikaba ariyo imaze igihe kini ikora muri Afurika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .