BPR Plc yatangiye gufasha abacuruzi kwagura ibikorwa byabo ibafasha kugura ibikoresho bakeneye

Yanditswe na Iradukunda Serge
Kuya 4 Kanama 2020 saa 04:43
Yasuwe :
0 0

Banki y’Abaturage y’u Rwanda, (BPR Plc) yashyizeho ubwoko bw’inguzanyo yise ‘Asset Financing’ aho ibigo by’ubucuruzi n’ababukora ku giti cyabo bafashwa guhaha ibikoresho bitandukanye bakeneye ngo bagure ibikorwa byabo.

Muri ubu bwoko bw’inguzanyo, ikigo cy’ubucuruzi cyangwa umucuruzi ku giti cye ahabwa amafaranga yo kugura ibikoresho birimo imodoka zikora ubwikorezi, izitwara abantu n’ibintu, imashini y’ubwoko butandukanye, za mudasobwa n’ibindi bikoresho byose byinshi bitandukanye yagaragaza ko akeneye kugira ngo ubucuruzi bwe bukomeze gutera imbere.

Iyi nguzanyo ihabwa umucuruzi wese usanganywe konti muri BPR cyangwa n’undi wese wayifungura ariko asanzwe akora ibikorwa by’ubucuruzi ariko akanagaragaza neza uburyo iki igikoresho yifuza kugura kizateza imbere ibikorwa bye.

Kugira ngo umucuruzi cyangwa ikigo cy’ubucuruzi gihabwe iyi nguzanyo kigomba kuba kimaze imyaka itatu gikora harimo ibiri igaragaza ko cyungukaga, kandi nyir’ubwite akaba afite inyandiko igaragaza uko mu myaka ibiri ubucuruzi bwe buhagaze mu bijyanye n’imari.

Ku mucuruzi cyangwa ikigo cyifuza ibi bikoresho, Banki y’Abaturage ibasaba kuba nibura batanga 20% by’agaciro k’icyo bifuza kugura ubundi nayo ikabatangira 80%, ariko akishyurwa ugurisha.

Mu gihe igikoresho kigiye kugurwa ari gishya, BPR itanga amezi 60 yo kwishyura inguzanyo, naho mu gihe cyakoreshejwe igihe kiri munsi y’imyaka itandatu, amezi yo kwishyura akaba yagera kuri 48.

Ku wifuza iyi nguzanyo cyangwa amakuru yisumbuyeho ashobora kugana rimwe mu mashami ya BPR ari hirya no hino mu gihugu.

Banki y’Abaturage y’u Rwanda yatangiye gutanga serivisi zo kubitsa, kubikuza no kuguriza mu 1975. Nibura 80% by’abakiliya bayo biganjemo abantu ku giti cyabo n’ibigo biciritse.

BPR Atlasmara yatangiye gutanga inguzanyo ku bacuruzi bifuza kugura ibikoresho byo kwagura ibikorwa byabo
Uwifuza iyi nguzanyo ashobora kuyibona agannye ishami rya BPR plc iryo ari ryo ryose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .