BK ikomeje gufasha abacuruzi ibaha inguzanyo yo kugura ibikoresho nkenerwa mu bikorwa byabo

Yanditswe na Iradukunda Serge
Kuya 13 Kanama 2020 saa 12:01
Yasuwe :
0 0

Mu rwego rwo gukomeza gufasha Abanyarwanda gutera imbere, Banki ya Kigali ikomeje gutanga inguzanyo ku bigo by’ubucuruzi n’abacuruzi ku giti cyabo bifuza kugura ibikoresho bitandukanye byabafasha kwagura ibikorwa byabo no kurushaho kubinjiriza amafaranga.

Binyuze kuri iyi nguzanyo, umuntu ashobora guhabwa amafaranga yo kugura, ibikoresho byo mu biro nka mudasobwa, ameza, intebe n’ibikoresho byo muri hoteli na restaurant nk’ibitanda, ibikoresho byo mu gikoni, ibyuma byo muri studio z’umuziki, iza televiziyo na radiyo ndetse n’ibindi bikoresho nkenerwa kugira ngo umusaruro w’ubucuruzi wongerwe.

Iyi nguzanyo ya BK izwi nka ‘Equipment Loan’ ihabwa umukiliya umaze nibura amezi atandatu akorana n’iyi banki kandi agaragaza neza uburyo ibi bikoresho ashaka kugura bizamufasha kwagura ibikorwa bye ndetse no kwishyura neza.

Umukozi wa BK, David Bizura, yavuze ko bahisemo kongera muri serivisi batanga ubu bwoko bw’inguzanyo kugira ngo barusheho gufasha abantu kuzamura ibikorwa byabo.

Yagize ati “Abenshi bamenyereye inguzanyo zo kubaka cyangwa iz’ubucuruzi. Banki ya Kigali yashyizeho ubundi bwoko bw’inguzanyo bujyanye n’ibyo Abanyarwanda bakeneye aho tubahesha ubushobozi bwo gusaba inguzanyo yo kugura ibikoresho byabafasha mu bucuruzi bwabo, bikaba byanabongerera inyungu mubyo bakora.”

BK itanga inguzanyo ku bikoresho by’ubucuruzi, umuntu ashobora kwifashisha ashaka kwiteza imbere.

Umukiliya ku giti cye wifuza iyi nguzanyo asabwa kwandika urwandiko rusaba iyi nguzanyo, akagaragaza ibikoresho akeneye n’igiciro cyabyo, akerekana uko ibyo bikoresho bizamufasha guteza imbere ubucuruzi bwe, agatanga n’imbonerahamwe ya konti ye y’amezi 6 igaragaza uko akora nubwo yaba atari umukiriya wa BK akorana n’indi banki.

Iyo ari ikigo cy’ubucuruzi cyifuza iyi inguzanyo, cyitwaza urwandiko rusaba iyi nguzanyo, inyandiko z’inama y’ubutegetsi zemerera iki kigo gusaba inguzanyo, ibikoresho gikeneye n’ibiciro byabyo, ikigereranyo cy’uko ibikoresho bizakizamurira inyungu muri uwo mushinga n’imbonerahamwe y’imikoreshereze ya konti y’amezi atandatu.

Inyungu uwahawe iyi nguzanyo yungukira Banki yashyizwe ku kigero cya 17.5% ku mwaka kugira ngo bimworohere kwishyura kandi ubucuruzi bwe budahungabanye.

Kugeza ku wa 31 Ukuboza 2019, inguzanyo Banki ya Kigali yatanze zazamutseho 19.3% ugereranyije n’umwaka wabanje, zigera kuri miliyari 678 Frw.

Mu gihembwe cya kane cy’umwaka ushize wa 2019, umutungo mbumbe wa BK warenze miliyari 1000 Frw nyuma yo kuzamukaho 19.3% mu gihe inyungu yayo yageze kuri miliyari 37.3 Frw bingana n’izamuka rya 36.3%.

Binyuze muri 'Equipment Loan' ubu umucuruzi ahabwa inguzanyo yo kugura ibikoresho byamufasha kwagura ibikorwa bye.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .