00:00:00 IGIHE NETWORK KN KINYARWANDA EN ENGLISH FR FRANCAIS

Abanyamigabane ba MTN Rwanda bagiye kugabana inyungu ya miliyari 6.7 Frw

Yanditswe na IGIHE
Kuya 16 May 2022 saa 06:44
Yasuwe :

Abanyamigabane ba MTN Rwanda bagiye guhurira mu nana y’inteko rusange, izafatirwamo ibyemezo birimo isaranganywa ry’inyungu yabonetse mu mwaka ushize, ku Frw 4.98 ku mugabane.

Ni imwe mu ngingo izaba iri ku murongo w’ibyigwa mu nama y’inteko rusange izahuza abanyamigabane ba MTN Rwanda mu buryo bw’ikoranabuhanga, ku wa 2 Kamena 2022.

Izaba ari inama ya kabiri ibaye kuva iki kigo cyatangira gucuruza imigabane ku Isoko ry’imari n’imigabane ry’u Rwanda, ku wa 4 Gicurasi 2021.

MTN Rwanda yatangaje ko muri rusange 6,727,083,900 Frw ari yo mafaranga azagabanywa abanyamigabane, hagendewe ku migabane buri mushoramari afitemo.

Biteganywa ko nyuma yo kwemezwa n’Inteko rusange, inyungu ku migabane izahabwa abashoramari ku wa 30 Kamena 2022.

Muri iyo nama kandi hazemezwa raporo y’imari y’umwaka yakorewe ubugenzuzi, yo kugeza ku wa 31 Ukuboza 2021.

Inyandiko ya MTN Rwanda Ltd ikomeza ivuga ko mu biri ku murongo w’ibizigirwa muri iriya nama y’inteko rusange, harimo kwemeza abagize inama y’ubutegetsi bazongererwa manda no kwemeza PwC Rwanda Ltd nk’umugenzuzi w’imari.

Abagize inama y’ubutegetsi basabiwe kogererwa manda barimo Faustin Mbundu, Karabo Nondumo, Adriaan Wessels, Michael Fleisher, Patience Mutesi, Julien Kavaruganda, Yolanda Cuba, Mitwa Kaemba Ng’ambi na Mark Nkurunziza.

MTN Rwanda iheruka gutangaza ko iyugu yayo yazamutseho 10.9% kugeza mu Ukuboza 2021 igera kuri miliyari 22.4 Frw nyuma yo kwishyura imisoro, ivuye kuri miliyari 20 Frw zari zinjijwe n’iki kigo mu 2020.

Iri zamuka ry’inyungu ya MTN Rwanda rishingiye ku ntambwe iki kigo cyateye mu kongera abakoresha serivisi zacyo, nk’aho abakoresha serivisi zijyanye no guhamagara biyongerayeho ibihumbi 300, bakagera kuri miliyoni 6.4, bingana na 63.4% by’abazikoresha bose mu Rwanda.

Abakoresha internet ya MTN Rwanda nabo barazamutse cyane bagera kuri miliyoni 2.12, nyuma y’uko mu mwaka ushize biyongereyeho abarenga ibihumbi 495.

Inyungu yaturutse mu guhamagara kw’abakiliya ba MTN Rwanda yiyongereyeho 12.1%, ikaba igize 47.4% by’inyungu yose ya MTN Rwanda. Inyungu iturutse mu ikoreshwa rya internet yazamutseho 18.9%, mu gihe ituruka mu ikoreshwa rya internet yazamutse ku kigero cya 35.3%.

Abanyamigabane ba MTN Rwanda bagiye guhurira mu nama y'inteko rusange ya kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .