Abanyamahirwe n’abanyempano ba mbere begukanye ibihembo muri Poromosiyo nshya ya MTN Izihirwe (Amafoto)

Yanditswe na Mukwaya Olivier
Kuya 2 Ugushyingo 2019 saa 02:47
Yasuwe :
0 0

Ikigo cy’itumanaho MTN Rwanda cyahembye abanyamahirwe n’abanyempano ba mbere bitabiriye poromosiyo nshya ya MTN Izihirwe, ni mu gitaramo cyabereye mu Karere ka Rubavu mu Ntara y’Iburasirazuba.

Iyi poromosiyo nshya ya ‘Izihirwe’ yatangijwe kuwa 21 Ukwakira 2019, mu rwego kwishimana n’abakiriya ba MTN Rwanda, aho abanyamahirwe bazajya batsindira ibihembo birimo inka, telefoni, amatike yo kureba cinema, megabayiti za murandasi, amakarita yo guhamagara n’amafaranga angana na miliyoni imwe y’u Rwanda.

Kwinjira muri iyi poromosition ni ugushyira application ya MyMTN muri telefoni cyangwa ukandika *140*6# ubundi ukinjira mu banyamahirwe bazajya batsindira ibihembo buri munsi, buri cyumweru na buri kwezi. Ikindi nuko kwinjira unyuze muri izi nzira bizajya bigufasha kumenya amanota umaze kugira.

Igitaramo cya mbere muri iyi poromosiyo cyanahembewemo abanyamahirwe n’abanyempano cyabaye ku mugoroba wo kuri uyu wa Gatanu, cyitabiriwe n’abahanzi batandukanye barimo Dj Marnaud, Marina, Social Mula, Jay Polly, Safi Madiba, Queen Cha na Riderman.

Ni igitaramo cyatangijwe n’amarushanwa yo kuririmba yahuje abasore bagera kuri batandatu barimo abaririmba injyana ya Hip Hop batanu n’umwe uririmba injyana ya Afrobeat.

Nzeyimana Patrick umwe mu banyamahirwe watsindiye Miliyoni y’Amafaranga y’u Rwanda, amaze guhabwa sheki yemeje ko gushyira amafaranga muri telefoni ye gusa aribyo byamuhesheje amahirwe yo kwegukana ayamafaranga. Yavuze ko azayakoresha yubaka inzu n’ibindi bitandukanye mu iterambere rye.

Mu bandi batsinze ni Sibomana Hamidou watsindiye amafaranga ibihumbi magana atatu (300 000 FRW) n’abandi bahawe Telefone za Ikosora.

Umuyobozi ushinzwe imenyekanishabikorwa muri MTN, Ruhinguka Desire, yavuze ko iyi gahunda ari mu rwego rwo gusangira n’abakiriya ibyo MTN, yagezeho asaba abaturage gukomeza kuyitabira.

Ati “MTN Izihirwe ni gahunda nziza twashyizeho kugira ngo habeho ikintu cyo gushimira abakiriya bacu bimwe mu byo tuba twabonye binyuze mu mpano zitandukanye tunabafasha mu kwizamura. Turimo gushimishwa n’uko bikomeje kubafasha kandi turasaba abaturage gukomeza gukoresha umurongo w’itumanaho wa MTN kuko twifuza ko ibi byiza byagera kuri bose kandi biroroshye ni ugukurikiza amabwiriza ukagura amayinite”.

Muri iyi poromosiyo harimo icyitwa ‘Izihirwe na Muzika’ aho abahanzi bazazenguruka imijyi itandukanye mu gihugu nka Rubavu, Huye, Musanze, Rwamagana na Kigali, ibi byose bikazaba ari mu rwego rwo kwishimana n’abakiriya ba MTN bari hirya no hino mu Rwanda.

Ikindi ni uko harimo amarushanwa mu ntara enye z’igihugu ku bafite impano zo kuba aba-DJ no kuririmba, abagiye batsinda bakazahurira i Kigali kugira ngo hamenyekane abahize abandi mu ntara.

Abazahiga abandi mu kuba aba-DJ mu ntara zitandukanye bazahabwa ibihumbi 200 FRW, naho abaririmba bo bahabwe ibihumbi 100 FRW.

Kubazagera ku cyiciro cya nyuma cy’iri rushanwa kizabera i Kigali, uzaba yahize abandi mu cyiciro cyaba DJ azahabwa miliyoni 1.5 FRW naho uzaba yabaye uwa mbere mu kuririmba ahabwe miliyoni imwe.

Biteganyijwe ko iyi poromosiyo yatangiye tariki ya 21 Ukwakira 2019 izarangira tariki ya 20 Ukuboza 2019.

Nubwo haguye imvura abantu benshi bitabiriye igitaramo cya MTN Izihirwe i Rubavu
Aba Dj bari baje mu marushanwa
Abafana ba Social Mula ubwo babyinaga
DJ Marnaud ari ku rubyiniro
Jay Polly yishimiwe cyane n'abanya-Rubavu
Umunyamahirwe arimo kuyora amafaranga
Nzeyimana Patrick watsindiye miliyoni muri MTN Izihirwe
Sibomana watsindiye ibihumbi 300 FRW
CIP Kayigi Emmanuel yibukije gahunda ya gerayo amahoro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza