00:00:00 IGIHE NETWORK KN KINYARWANDA EN ENGLISH FR FRANCAIS

“Egypt & Middle East Expo2”, hazabamo ibicuruzwa bihendutse

Yanditswe na

IGIHE

Kuya 25 Ukwakira 2014 saa 09:29
Yasuwe :
0 0

Ku nshuro ya kabiri, abacuruzi baturutse mu Misiri, Pakistan, Iran, mu Buhinde, Duai na Kenya bagiye kugaruka i Kigali mu imurikagurisha rya “Egypt & Middle East Expo”, rizatangira kuwa 29 Ukwakira kugeza kuwa 9 Ugushyingo 2014.
Nk’ibisanzwe, iri murikagurisha rizajya ritangira guhera i saa yine z’amanywa (10am) kugeza i saa tatu z’ijoro (9pm), rikazabera kuri Stade Amahoro, ahaberaga irya mbere.
Ashraf Mahmoud, Umuyobozi wa Smart Egypt inzobere zisanzwe zitegura amamurikagurisha nk’aya (...)

Ku nshuro ya kabiri, abacuruzi baturutse mu Misiri, Pakistan, Iran, mu Buhinde, Duai na Kenya bagiye kugaruka i Kigali mu imurikagurisha rya “Egypt & Middle East Expo”, rizatangira kuwa 29 Ukwakira kugeza kuwa 9 Ugushyingo 2014.

Nk’ibisanzwe, iri murikagurisha rizajya ritangira guhera i saa yine z’amanywa (10am) kugeza i saa tatu z’ijoro (9pm), rikazabera kuri Stade Amahoro, ahaberaga irya mbere.

Ashraf Mahmoud, Umuyobozi wa Smart Egypt inzobere zisanzwe zitegura amamurikagurisha nk’aya hirya no hino mu bihugu bya Afurika, avuga ko banyuzwe n’uko imurikagurisha rya mbere ryagenze bakaba bifuje kugaruka.

Mu kiganiro na IGIHE, Mahmoud avuga ko abantu babanje gutinya kuko batari bazi neza iby’iri murikagurisha, ariko ko bamaze kuhagera babagaragarije ko baryishimiye.

Abashoramari Magdy na Mohamed batangije Smart Egypt

Yagize ati “Abanyarwanda batweretse ko bakunze ibicuruzwa twabazaniye muri iri murikagurisha.”

Yongeraho ati “Ubu noneho twabazaniye byinshi mu byo bakunze, kuko ubu tugiye kuzana abacuruzi benshi, bazwi cyane mu bihugu bya Misiri no mu Buhinde n’ahandi.”

Natacha Haguma, Umunyarwandakazi usanzwe ategura ibirori uri gufasha aba Banyamisiri avuga ku nshuro ya mbere byabaye ngombwa ko hongerwaho iminsi y’imurikagurisha kuko abantu baryitabiriye cyane bigashira mbere.

Haguma avuga ko u Rwanda hari byinshi rwungukiye kuri aba bashoramari baje mu gihugu, ati “bo bafite ukuntu bagufata niba utanaguze uyu munsi ejo ukagaruka kugura; twabigiyeho kwita ku mukiriya”, agasaba ko hatazagira Umunyarwanda ucikanwa n’aya mahirwe.

Muri iri murikagurisha ibiciro biba biri hasi cyane, kuko byose biba byagabanyijweho 50%. Hanagaragaramo ibicuruzwa biboneka mu Misiri n’ibihugu byo mu Buhinde, Iran, Dubai n’ahandi.

Mayira Abdoulkarim, umwe mu bitabiriye iri murikagurisha umwaka ushize avuga ko yanyuzwe no kuba yarahabonye ibicuruzwa atari asanzwe abona ahandi kandi bihendutse. Ati “harimo n’ibintu byinshi cyane by’udushya bicyeye kandi ukabona ibiciro biri hasi cyane ugereranyije n’ibisanzwe.”

Bimwe mu byatunguye abantu benshi mu imurikagurisha ry’ubushize bitewe no guhenduka kwabyo harimo harimo ibikoresho bya siporo, ibikoresho by’isuku, ibiribwa, imyambaro, amasakoshi n’inkweto, ibikoresho byo mu nzu n’ibyo mu gikoni, imitako n’ibikorwa by’ubukorikori n’ibindi byinshi.

Buri saha muri iri murikagurisha batanga ibihembo bitwarwa n’abanyamahirwe.

Smart Egypt ni Sosiyete y’abantu batatu, Ashraf Mahmoud, Magdy Noeman na Mohamed Saleh. Bamaze imyaka 15 bakora amamurikagurisha ku rwego mpuzamahanga bahereye iwabo mu Misiri, aho bazana abacuruzi n’abashoramari baturutse hirya no hino ku Isi.

Muri Afurika bakorana n’ibihugu bya Mozambique, Ghana, Madagascar, Ethiopia, Cameroun, Mauritius, Gabon, Kenya, Zambia, Congo Brazzaville, Cote d’Ivoire n’u Rwanda.

Abantu baba ari urujya n'uruza
Muri iyi expo hazaba harimo ibikoresho byose kandi bihendutse
Muri iri murikagurisha hanabamo no kumenyekansha amateka ya Misiri
Natacha Haguma ufasha aba banyamisiri mu gutegura iri murikagurisha mu Rwanda asaba abashoramari b'Abanyarwanda kugira ibyo bigira kuri aba banyamisiri bagiye kugaruka
Bamurika imitako n'inigi z'ubwoko bwose
Umwe mu bashinze Smart Egypt yerekana ibyo bamurika
Ntimuzacikwe na Egypt &Middle East Expo kuri iyi nshuro, izatangira kuwa 29 Ukwakira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .