Umutungo w’abakire bo mu Bushinwa wiyongereyeho miliyari 1500 mu 2020

Yanditswe na Ishimwe Deborah
Kuya 20 Ukwakira 2020 saa 06:37
Yasuwe :
0 0

Mu gihe ubukene bukomeje kunuma hirya no hino ku Isi, abaherwe bo mu Bushinwa bo si ko bimeze kuko umutungo wabo mu bihe bya Coronavirus wiyongereyeho miliyari 1500, izamuka ryikubye hafi inshuro eshanu ugereranyije n’imyaka itanu ishize.

Ubucuruzi bwo kuri internet n’imikino y’amahirwe nibyo byatumye mu gihe cya Guma mu Rugo umutungo w’aba baherwe ukomeza gutumbagira.

Raporo yakozwe n’Ikigo cyitwa Hurun gitangaza uko abakire bahagaze buri mwaka, igaragaza ko hari abantu 257 binjiye mu rutonde rw’abatunze miliyari y’amadolari mu Bushinwa nibura kugeza muri Kanama uyu mwaka.

U Bushinwa bufite abantu 878 batunze miliyari y’amadolari mu gihe nka Leta Zunze Ubumwe za Amerikka zibara ko mu ntangiriro z’uyu mwaka zari zifite abantu nk’abo 626.

Jack Ma washinze Alibaba, ni we wazamutse cyane mu mutungo muri ibi bihe, aho amafaranga atunze yiyongereyeho 45% akagera kuri miliyari 58.8 z’amadolari biturutse ku buryo ubucuruzi bukorerwa kuri internet bwabaye imari ishyushye muri iki gihe ubwo abantu basabwaga kuguma mu rugo.

Akurikirwa na Pony Ma ufite umutungo wa miliyari 57.4 z’amadolari, ni we nyir’urubuga nkoranyambaga rwa WeChat.

Jack Ma ni umwe mu bo umutungo wabo watumbagiye cyane muri ibi bihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .