Umubare w’abatunze miliyoni 1$ wikubye gatatu mu myaka 20 ishize

Yanditswe na IGIHE
Kuya 18 Kamena 2020 saa 04:46
Yasuwe :
0 0

Reporo y’Ikigo cyitwa Boston Consulting Group (BCG), ku butunzi bw’abatuye Isi, yerekanye ko umubare w’abatunze miliyoni imwe y’amadolari kuzamura wiyongereye, aho wikubye gatatu mu myaka 20 ishize.

Iyi raporo yasohotse kuri uyu wa Kane, yerekanye ko mu mpera za 2019, abarenga miliyoni 24 ku Isi yose, buri umwe afite ubutunzi bubarirwa nibura muri miliyoni imwe y’amadolari cyangwa kurenzaho ugereranyije na miliyoni 8.9 bari bayitunze mu 1999, bivuze ko bikubye hafi gatatu.

Mu myaka 20 ishize kandi, ubutunzi bw’abantu ku giti cyabo ku Isi yose bwikubye hafi gatatu buva kuri miliyari ibihumbi $80 mu 1999 bugera kuri miliyari ibihumbi $226, mu mpera za 2019.

Uteranyije ubutunzi bw’abatunze miliyoni y’amadolari ku Isi yose, bungana na 50%, by’ubutunzi bw’Isi yose mu 2019.

Abenshi mu batunze nibura miliyoni 1$, ni abo muri Leta Zunze Ubumwe za Amerika. Mu 2019, mu Bushinwa, abatunze nibura miliyoni 1$, bikubye inshuro 29, ugereranyije na 1999.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .