Ubukungu bw’Isi buzazamuka ku gipimo cyo hasi cyaherukaga mu 2008

Yanditswe na Cyprien Niyomwungeri
Kuya 16 Ukwakira 2019 saa 01:08
Yasuwe :
0 0

Ikigega mpuzamahanga cy’imari ku Isi cyagabanyije 0.2% ku gipimo kibona ubukungu bw’Isi buziyongeraho muri uyu mwaka, aho biteganyijwe ko buziyongeraho 3% naho umwaka utaha bukiyongeraho 3.4%.

IMF ivuga ko bizaba bibaye ubwa mbere umuvuduko w’ubukungu bw’Isi ugabanutse kuri iki kigero kuva mu 2008, ubwo bwahungabanaga cyane.

IMF ivuga ko igabanuka ry’igipimo cy’ubwiyongere bw’ubukungu rituruka ku bwumvikane buke burangwa mu bucuruzi mpuzamahanga muri iki gihe cyane cyane ashingiye ku misoro hagati ya Amerika n’u Bushinwa.

Ivuga kandi ko kongera kuzamuka cyane mu 2020 bizaturuka ku gukemuka kw’ibibazo bya politiki mu Burasirazuba bw’Isi ndetse n’intambara mu bucuruzi hagati ya Amerika n’u Bushinwa ikarangira.

Izamuka ry’ubukungu bw’Isi ryagabanyijweho 0.2% ugereranyije n’igipimo cyateganywaga muri Nyakanga uyu mwaka, rikaba riri hasi ya 3.6% bwari bwazamutseho mu 2018. IMF ivuga ko ubukungu bwa Amerika buzazamuka 2.4% buvuye kuri 2.9% bwazamutseho mu 2018.

Ikomeza ivuga ko umwaka utaha ubukungu buzongera kuzamuka ku gipimo cya 3.4%, ariko ubwa Amerika bugazamuka kuri 2.1% mu gihe ubutegetsi bwa Trump bwari bwihaye intego ko buzazamuka 3%.

Umuyobozi ushinzwe ubukungu muri IMF, Gita Gopinath, avuga ko ‘nta makosa agomba gukorwa kandi hakenewe cyane ko abafata ibyemezo bakorana mu gukemura intambara z’ubucuruzi n’izindi’.

Mu cyumweru gishize Amerika n’u Bushinwa byageze ku masezerano y’agateganyo ku ntambara z’ubucuruzi, aho Trump yemeye gusubika kuzamura imisoro ku bicuruzwa bya miliyoni 250 z’amadolari by’Abashinwa. Gusa haribazwa ku bindi bihano bya miliyari $160 ku bicuruzwa by’u Bushinwa bizubahirizwa mu Ukuboza.

Umuyobozi ushinzwe ubukungu muri IMF, Gita Gopinath avuga ko intambara z'ubucuruzi zigomba gukemurwa kugira ubukungu bwongere kuzamuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza