Elon Musk yageze ku mwanya wa gatatu mu baherwe ku Isi, Mackenzie aza imbere mu bagore

Yanditswe na Umwali Zhuri
Kuya 1 Nzeri 2020 saa 12:31
Yasuwe :
0 0

Umuherwe Elon Musk yaciye kuri Mark Zuckerberg ku rutonde rw’abantu bakize ku Isi, aho umutungo we ubu ubarirwa muri miliyari 115.4 $ mu gihe mugenzi we washinze Facebook afite miliyari 110.8 $.

Uyu mugabo washinze uruganda rw’ikoranabuhanga rukora imodoka rwa Tesla, ubu ni uwa gatatu ukize ku Isi, inyuma ya Bill Gates na Jeff Bezos wa mbere.

Ni mu gihe MacKenzie Scott wahoze ari umugore wa Jeff Bezos ubu ariwe mugore ukize wa mbere ku Isi, aciye kuri Francoise Bettencourt Meyers nyiri L’Oreal SA. Scott w’imyaka 50 yabonye 4% by’imigabane ya Amazon ubwo yatandukanaga n’uwari umugabo we, Jeff Bezos. Ubu abarirwa ko atunze miliyari 66.4$.

Ubu Scott ari ku mwanya wa 12 ku rutonde rw’abakire ba mbere ku Isi, mu gihe Bettencourt ari ku wa 12 na miliyari 66.3$.

Musk wa gatatu ku Isi mu butunzi, umutungo we warazamutse cyane muri uyu mwaka by’umwihariko biturutse ku gaciro k’imigabane ya Tesla kabarirwa ko kuva uyu mwaka watangira kazamutse ku kigero cya 500%.

Ubu agaciro ka Tesla ni miliyari 464 $. Byitezwe ko mu gihe umutungo wa Musk wakomeza kuzamuka, mu gihe kiri imbere yaba umuntu wa mbere ukize ku Isi, agaca kuri Bezos utunze miliyari zirenga 200$.

Musk yageze ku mwanya wa gatatu w'abaherwe ku Isi aciye kuri nyiri Facebook
Uwahoze ari umugore wa Jeff Bezos ubu niwe mutegarugori ukize wa mbere ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .