Mufashe igihugu kwihaza mu biribwa – Minisitiri w’Intebe Ngirente abwira Minagri

Yanditswe na IGIHE
Kuya 10 Ukuboza 2019 saa 02:25
Yasuwe :
0 0

Minisitiri w’Intebe Dr Edouard Ngirente yasabye abashinzwe ubuhinzi n’ubworozi gushyira imbaraga mu nshingano zabo kugira ngo Igihugu gishobore kwihaza mu biribwa.

Ibi yabivugiye i Nkumba mu Karere ka Burera kuri uyu wa Mbere, mu kiganiro yagiranye n’abakozi bashinzwe ubuhinzi n’ubworozi kuva ku rwego rw’Umurenge, Uturere, kugera ku rwego rwa Minisiteri ndetse n’ibigo biyishamikiyeho.

Iki kiganiro cyabaye ubwo Minisitiri w’Intebe yasozaga Itorero ry’Ingamburuzabukene ry’aba bakozi bagera ku 1000. Cyari kigamije kwigira hamwe ibibazo bibangamiye iterambere ry’ubuhinzi n’ubworozi mu Gihugu.

Mu ijambo yagejeje ku batojwe, Minisitiri w’Intebe yabasabye kuba ku isonga mu kongera umusaruro w’ubuhinzi n’ubworozi mu Gihugu.

Yagize ati "Nimwe mushinzwe gucunga uruhererekane nyongeragaciro mu buhinzi n’ubworozi. Niyo mpamvu mbasaba kwita cyane ku gutunganya imbuto, gutera imbuto, gusarura no gufata neza umusaruro igihe weze."

Yabasabye kandi kurushaho gukorana umwete no gutanga serivisi zinoze kandi zihuse, ndetse no kuba inyangamugayo mu byo bakora byose bakitandukanya n’icyitwa ruswa.

Bimwe mu bibazo byagaragajwe harimo ibijyanye n’itangwa ku gihe ry’imbuto ndetse n’ifumbire, hemezwa ko ifumbire igomba gutangwa ku gihe kandi itanzwe igakoreshwa neza ntisaguke ngo ipfe ubusa.

Muri ibi biganiro kandi, havuzwe ibijyanye n’imikorere n’imikoranire n’izindi nzego.

Minisitiri w’Intebe yashimye ibitekerezo byiza byatanzwe n’abatojwe, abizeza ko ibibazo bagaragaje bigiye kwigwaho n’inzego zibishinzwe bikabonerwa umuti mu gihe cya vuba.

Uhereye ibumoso: Guverineri w'Intara y'Amajyaruguru Gatabazi JMV, Minisitiri w'Intebe Dr Ngirente Edouard na Minisitiri w'Ubuhinzi n'ubworozi, Dr Mukeshimana Gerardine
Minisitiri w'Intebe Dr Ngirente ageza ubutumwa ku bitabiriye Itorero Ingamburuzabukene
Abitabiriye iri torero bahize kurushaho guteza imbere umusaruro w'ubuhinzi n'ubworozi
Iri torero ryitabiriwe n'abagera ku 1000

Minisitiri w'Intebe Dr Ngirente hamwe n'Intore za Minagri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza